കര്ദ്ദിനാള് മാര് ജോര്ജ് ആലഞ്ചേരിയുമായി കൂടിക്കാഴ്ച നടത്തി കേന്ദ്ര ന്യൂനപക്ഷ സഹമന്ത്രി ജോണ് ബര്ല. സിറോ മലബാര് സഭ ആസ്ഥാനമായ സെന്റ് തോമസ് മൗണ്ടിലെത്തിയാണ് അദ്ദേഹം കര്ദ്ദിനാളുമായി കൂടിക്കാഴ്ച നടത്തിയത്. ഒരു മണിക്കൂറിലധികം സഭാ ആസ്ഥാനത്ത് ചെലവഴിച്ച മന്ത്രി കര്ദിനാളിനൊപ്പം പ്രാതലും കഴിച്ച ശേഷമാണ് അദേഹം മടങ്ങിയത്. പ്രധാനമന്ത്രി നരേന്ദ്ര മോദിയുടെ ഭരണത്തില് രാജ്യത്തെ ക്രൈസ്തവര് സുരക്ഷിതരാണെന്നും അദേഹം പറഞ്ഞു.
ബിജെപിയും ക്രിസ്ത്യന് സഭകളുമായുള്ള ചര്ച്ചകള്ക്കായി കേരളത്തില് എത്തിയതാണ് അദ്ദേഹം. കേരളത്തിലെത്തിയ മന്ത്രി ഇന്നലെ ബിജെപി നേതാക്കന്മാര്ക്കൊപ്പം മലയാറ്റൂരിലെ സെന്റ് തോമസ് പള്ളി സന്ദര്ശിക്കുകയും പുരോഹിതര്ക്കൊപ്പം പ്രഭാതഭക്ഷണം കഴിക്കുകയും ചെയ്തു. ബിജെപി നേതാവ് എ.എന്. രാധാകൃഷ്ണന് അടക്കമുള്ളവരും മന്ത്രിക്കൊപ്പമെത്തിയിരുന്നു.
ചാലക്കുടിയിലെ ഡിവൈന് ധ്യാനകേന്ദ്രത്തിലും എവുപ്രാസ്യമ്മയുടെ ശവകുടീരത്തിലും മന്ത്രിയെത്തി ആദരവ് അര്പ്പിച്ചു. ഇന്നുവൈകിട്ട് കോട്ടയത്ത് റബര് ബോര്ഡ് ചെയര്മാനുമായി കൂടിക്കാഴ്ച നടത്തുമെന്നും അദ്ദേഹം പറഞ്ഞു.