ക്രിസ്തുമസ് ആഘോഷങ്ങളിലും നേട്ടമുണ്ടാക്കി കേരള ബിവറേജസ് കോർപറേഷൻ. കഴിഞ്ഞ മൂന്ന് ദിവസം കൊണ്ട് ബെവ്കോ ഔട്ട്ലെറ്റ് വഴി മാത്രം 154.77 കോടിയുടെ മദ്യം വിറ്റഴിച്ചു.ക്രിസതുമസിന്റെ തലേദിവസമായ ഞായറാഴ്ചമാത്രം 70.73 കോടി രൂപയുടെ മദ്യവില്പ്പനയാണ് നടന്നത്.
കഴിഞ്ഞ വര്ഷം ക്രിസ്മസ് തലേന്ന് 69.55 കോടിയുടെ മദ്യമാണ് വിറ്റിരുന്നത്. 22 മുതൽ 24 വരെ മദ്യ വിൽപ്പന കണക്കിലും ഇത്തവണ കുതിച്ച്കയറ്റം ഉണ്ട്. ഡിസംബര് 22 ന് 75.70 കോടി രൂപയുടെ മദ്യവില്പ്പനയാണ് ഈ വര്ഷം നടന്നത്. കഴിഞ്ഞ വര്ഷം ഡിസംബര് 22 ന് 65.39 കോടി രൂപയുടെ മദ്യമാണ് വിറ്റിരുന്നത്. ഡിസംബർ 23 ന് ഈ വര്ഷം 84.04 കോടി രൂപ മദ്യവില്പ്പന നടന്നു. കഴിഞ്ഞ വർഷം ഇതേ ദിവസം 75.41 കോടി രൂപ മദ്യവില്പ്പനയാണ് നടന്നത്.
ചാലക്കുടിയിലാണ് ക്രിസ്മസ് തലേന്ന് റെക്കോർഡ് മദ്യവിൽപ്പന .63.85 ലക്ഷം രൂപയുടെ മദ്യമാണ് ഇവിടെ വിറ്റത്. രണ്ടാം സ്ഥാനത്തെത്തിയത് ചങ്ങനാശ്ശേരി ബെവ്കോ ഔട്ട്ലെറ്റാണ്. 62.87 ലക്ഷം രൂപയുടെ മദ്യമാണ് ഇവിടെ വിറ്റത്. ഇരിങ്ങാലക്കുട ഒട്ട്ലെറ്റിനാണ് മൂന്നാം സ്ഥാനം. 62.31 കോടി രൂപയുടെ മദ്യമാണ് ഇരിങ്ങാലക്കുടയില് വിറ്റത്.