പൊതുമേഖലാ സ്ഥാപനമായ ബിപിസിഎൽ സ്വകാര്യവത്കരിക്കാനുള്ള കേന്ദ്ര സർക്കാർ നീക്കത്തിനെതിരെ ബെന്നി ബഹനാൻ എംപിയും വി പി സജീന്ദ്രൻ എംഎൽഎയും 12 മണിക്കൂർ നീണ്ട ഉപവാസം. കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ രാവിലെ 10 മണിക്ക് ഉപവാസ സമരം ഉദ്ഘാടനം ചെയ്യും. കൊച്ചി അമ്പലമുകൾ കമ്പനി ഗേറ്റ് പടിക്കലാണ് ഉപവാസം. ചരിത്രത്തില് ആദ്യമായാണ് ഒരു പൊതുമേഖലാ കമ്പനി പൂര്ണമായി സ്വകാര്യവത്കരിക്കാനുള്ള നീക്കം കേന്ദ്രസര്ക്കാര് സ്വീകരിക്കുന്നതെന്ന് ബെന്നി ബഹനാൻ പറഞ്ഞു.
ചാലക്കുടി പാർലമെൻറ് മണ്ഡലത്തിലെ ജനപ്രതിനിധികൾ, രാഷ്ട്രീയ നേതാക്കൾ, ഐക്യ ട്രേഡ് യൂണിയൻ നേതാക്കൾ എന്നിവർ ഉപവാസത്തിൽ പങ്കെടുക്കുന്നുണ്ട്. നേതാക്കൾക്ക് പിന്തുണയുമായി വിവിധ ഭാഗങ്ങളിൽ നിന്ന് ജനപ്രതിനിധികളും രാഷ്ട്രീയ പ്രവർത്തകരും ഉപവാസ സമരത്തിൽ പങ്കാളികളാകും. തീരുമാനം പിൻവലിച്ചില്ലെങ്കിൽ പാർലമെന്റിന് മുമ്പിലേക്ക് സമരം വ്യാപിപ്പിക്കാനാണ് കോൺഗ്രസ് തീരുമാനം.
സ്വകാര്യവത്കരണത്തിലൂടെ ആയിരത്തിലേറെ ഏക്കർ ഭൂമി സർക്കാരിന് നഷ്ടമാകും. യുദ്ധവിമാനങ്ങൾക്കടക്കം ഇന്ധനം ഉത്പാദിപ്പിക്കുന്ന ബിപിസിഎലിനെ സ്വകാര്യവത്കരിക്കുന്നത് രാജ്യസുരക്ഷയെ പ്രതികൂലമായി ബാധിക്കുമെന്ന് നേരത്തെ തൊഴിലാളി സംഘടനാനേതാക്കൾ ആരോപിച്ചിരുന്നു.