സംവിധായകന് ബാലചന്ദ്രകുമാര് പീഡിപ്പിച്ചതായി പരാതി നല്കിയ കണ്ണൂര് സ്വദേശിനി മൊഴി നല്കുന്നതിനായി എറണാകുളം എളമക്കര പൊലീസ് സ്റ്റേഷനിലെത്തി. കേസ് അന്വേഷണ ചുമതല ഏല്പിച്ചിട്ടുള്ള ഉദ്യോഗസ്ഥന് ഹൈടെക് സെല് എസിപി ബിജുമോന് പൊലീസ് സ്റ്റേഷനിലേയ്ക്ക് എത്തിയിട്ടില്ല.
അദ്ദേഹം കൂടി എത്തിയ ശേഷം ചോദ്യം ചെയ്യലുണ്ടാകുമെന്നാണ് വിവരം. കണ്ണൂര് സ്വദേശിനിയായ യുവതിയെ ബാലചന്ദ്രകുമാര് പീഡിപ്പിച്ച് ദൃശ്യങ്ങള് പകര്ത്തുകയും പുറത്തു പറഞ്ഞാല് ദൃശ്യങ്ങള് പ്രചരിപ്പിക്കുമെന്നു ഭീഷണിപ്പെടുത്തിയെന്നുമാണ് പരാതി.
കൊച്ചി സിറ്റി പൊലീസ് കമ്മിഷണര്ക്കു ലഭിച്ച പരാതി എളമക്കര പൊലീസിനു കൈമാറുകയും അന്വേഷണം ഡിവൈഎസ്പി ബിജുമോനെ ഏല്പിക്കുകയുമായിരുന്നു. പത്തു വര്ഷത്തിലേറെ പഴക്കമുള്ള കേസായതിനാല് ഡിജിറ്റല് തെളിവുകള് കണ്ടെത്താനാകുമോ എന്നാണ് പൊലീസ് ശ്രമം.
കണ്ണൂര് സ്വദേശിനിയുടെ മൊഴി രേഖപ്പെടുത്തി കഴിഞ്ഞാല് ഇവരെ കോടതിയില് മജിസ്ട്രേറ്റിനു മുന്പാകെ ഹാജരാക്കി മൊഴി എടുക്കും. തുടര്ന്ന് പ്രതി സ്ഥാനത്തുള്ള ബിജുമോനെയും വിളിച്ചു വരുത്തി ചോദ്യം ചെയ്യാനാണ് പൊലീസിന്റെ തീരുമാനം.