തിരുവനന്തപുരം വഞ്ചിയൂര് കോടതി പരിസരത്ത് വച്ച് ജോലി ചെയ്യുന്നതിനിടെ മാധ്യമ പ്രവര്ത്തകയെ പരസ്യമായി ആക്രമിച്ച് കടന്നുകളഞ്ഞ പ്രതി പിടിയില്. വര്ക്കല അയിരൂര് സ്വദേശി സന്തോഷ് കുമാര് ആണ് കേസില് പിടിയിലായത്. വഞ്ചിയൂര് പൊലീസ് ആണ് പ്രതിയെ പിടികൂടിയത്. മെയ് നാലിന് ആയിരുന്നു കേസിന് ആസ്പദമായ സംഭവം നടന്നത്.
പ്രതിയ്ക്കെതിരെ പൊലീസ് നേരത്തെ ലുക്ക് ഔട്ട് നോട്ടീസ് പുറത്തിറക്കിയിരുന്നു. ലുക്ക് ഔട്ട് നോട്ടീസ് പുറത്തിറക്കിയതിന് പിന്നാലെയാണ് പ്രതിയെ പൊലീസ് പിടികൂടിയത്. വഞ്ചിയൂര് കോടതി പരിസരത്ത് റിപ്പോര്ട്ടിംഗ് നടത്തുകയായിരുന്ന മാധ്യമ പ്രവര്ത്തകയെ പ്രതി പരസ്യമായി ആക്രമിക്കുകയായിരുന്നു.
മാധ്യമ പ്രവര്ത്തക പ്രതികരിച്ചതോടെ സഹപ്രവര്ത്തകര് സംഭവത്തില് ഇടപെട്ടെങ്കിലും പ്രതി കോടതി വളപ്പിലേക്ക് ഓടിക്കയറിയാണ് രക്ഷപ്പെട്ടത്. പിന്നാലെ മാധ്യമ പ്രവര്ത്തകയുടെ പരാതിയില് പൊലീസ് കേസെടുത്തിരുന്നു. പ്രതിയെ ഉടന് പിടികൂടണമെന്ന് മാധ്യമ പ്രവര്ത്തകരുടെ സംഘടനയായ കെയുഡബ്ല്യുജെ ആവശ്യപ്പെട്ടിരുന്നു.