കൊച്ചിയില് മൂന്നാം ക്ലാസുകാരിയെ ക്ലാസ് മുറിയിൽ വെച്ച് അധ്യാപകൻ പീഡിപ്പിച്ചു. അസം സ്വദേശിയായ കുട്ടിയ്ക്കാണ് ക്ലാസ് മുറിയില് വച്ച് ദുരനുഭവം ഉണ്ടായത്. അതേസമയം സര്ക്കാര് സ്കൂളിലെ അധ്യാപകനായ പ്രതിക്ക് മുന്കൂര് ജാമ്യം ലഭിക്കാന് പൊലീസ് വഴിവിട്ട സഹായം നല്കുന്നു എന്നാരോപണം ഉയരുന്നുണ്ട്.
സ്വകാര്യ ഭാഗങ്ങളില് വേദന എടുത്ത കുട്ടി അധ്യാപകൻ ഉപദ്രവിച്ച വിവരം അമ്മയോട് പറഞ്ഞതോടെയാണ് പീഡന വിവരം പുറത്തുവന്നത്. കേസിൽ എഫ്ഐആര് എടുത്തെങ്കിലും അധ്യാപകന് ഒളിവില് എന്നുപറഞ്ഞ് പ്രതിയെ സംരക്ഷിക്കുന്ന നിലപാടാണ് അമ്പലമുകള് പൊലീസിന്റേതെന്നാണ് ആരോപണം.
കുട്ടിയുടെ മൊഴി രേഖപ്പെടുത്തി എഫ്ഐആര് രജിസ്റ്റര് ചെയ്തതല്ലാതെ പ്രതിയെ പിടിക്കാന് പൊലീസിന് യാതൊരു താല്പര്യവുമില്ലെന്നാണ് ആരോപണം. കേസില് പ്രതിയായ അധ്യാപകന് നിരന്തരം വീട്ടിലും പ്രദേശത്തും എത്തുന്നുണ്ട് എന്ന് വിവരം ലഭിച്ചിട്ടും പ്രതിയെ കാണാനില്ല എന്ന നിലപാട് തുടരുകയാണ് പൊലീസ്.