ഏഷ്യാനെറ്റ് ന്യൂസിന്റെ കോഴിക്കോട് റീജണല് ഓഫീസില് പൊലീസ് റെയിഡ്. വെള്ളയില് പൊലീസാണ് ഓഫീസിലെത്തിയത്. ഡിവൈഎസ്പി വി സുരേഷിന്റെ നേതൃത്വത്തിലുള്ള സംഘമാണ് ഓഫീസില് എത്തിയിരിക്കുന്നത്. പിവി അന്വര് എംഎല്എയുടെ പരാതിയില് അന്വേഷണം ആരംഭിക്കാനാണ് പൊലീസ് ചാനല് ഓഫീസിലെത്തിയിരിക്കുന്നത്.
കേസിന്റെ വിവരങ്ങള് ചോദിച്ചറിയാനാണ് ചാനലില് എത്തിയിരിക്കുന്നതെന്നാണ് പൊലീസ് നല്കുന്ന വിശദീകരണം. ഇന്നലെ നല്കിയ പരാതിയില് ഇന്നു രാവിലെ തന്നെ പൊലീസ് ചാനലില് എത്തിയതില് ദുരൂഹതയുണ്ടെന്ന് ആരോപണം ഉയര്ന്നിട്ടുണ്ട്. പരാതിക്കാരുടെ മൊഴി പോലും രേഖപ്പെടുത്താതെയാണ് പൊലീസ് ചാനലില് എത്തിയിരിക്കുന്നത്. മലബാര് റീജണിന്റെ ചുമതലയിലുള്ള ഷാജഹാനെ പൊലീസ് ചോദ്യം ചെയ്യുകയാണ്. തഹസീല്ദാറുടെ നേതൃത്വത്തില് കോാഴിക്കോട് എസിപിയുടെ നേതൃത്വത്തിലുള്ള സംഘമാണ് ഏഷ്യാനെറ്റ് ന്യൂസിലെത്തിയിരിക്കുന്നത്.