ആലുവയിൽ യുവതിയെ പെട്രോളൊഴിച്ച് കത്തിച്ച് കൊലപ്പെടുത്താൻ ശ്രമം. ചൂണ്ടി സ്വദേശിക്ക് നേരെയാണ് അക്രമണമുണ്ടായത്. മുപ്പത്തടം സ്വദേശി അലിയെന്നയാളാണ് അക്രമം നടത്തിയത്. ഇരുവരും തമ്മിലുണ്ടായ തർക്കത്തിന് പിന്നാലെയാണ് അലി യുവതിക്ക് നേരെ പെട്രോളൊഴിച്ച് കത്തിക്കാൻ ശ്രമം നടത്തിയത്. അതേസമയം സംഭവത്തിൽ പൊലീസ് അന്വേഷണം ആരംഭിച്ചു. ആലുവ യു സി.കോളേജിനടുത്താണ് സംഭവം. പെട്രോളൊഴിച്ച് തീകൊളുത്താൻ ശ്രമിച്ചതിന് പിന്നാലെ രക്ഷപ്പെട്ട് തൊട്ടടുത്ത കടയിൽ ഓടി കയറിയ യുവതി പിന്നീട് ജില്ലാ ആശുപത്രിയിൽ ചികിത്സ തേടി. മുപ്പത്തടം സ്വദേശിയായ അലിയും യുവതിയും കുടുംബ സുഹൃത്തുക്കളാണെന്നാണ് വിവരം.