കേന്ദ്ര ആഭ്യന്തര മന്ത്രി അമിത് ഷായെ മുഖ്യമന്ത്രി ക്ഷണിച്ചത് ലാവലിന് കേസില് സഹായം തേടിയെന്ന് മുസ്ലിം ലീഗ് നേതാവ് എം.കെ.മുനീര്. തിരഞ്ഞെടുപ്പിന് മുന്നോടിയായി സിപിഎം-ബിജെപി ബാന്ധവം ഉണ്ടാക്കിയിരിക്കുകയാണെന്നും ഇതിന്റെ പ്രതിഫലനം അടുത്ത തിരെഞ്ഞെടുപ്പുകളില് കാണാമെന്നും മുനീര് പറഞ്ഞു.
രാഷ്ട്രീയ ലക്ഷ്യം കൂടി മുന്നില്ക്കണ്ടാണ് അമിത് ഷായെ മുഖ്യമന്ത്രി ക്ഷണിച്ചത്. കേരളത്തിലെ ജനങ്ങളെ ധ്രുവീകരിക്കാനുള്ള ബിജെപി ശ്രമത്തിന് സിപിഎം സഹായം നല്കുകയാണ്. ന്യൂനപക്ഷ സംരക്ഷകരാണ് തങ്ങളെന്ന സിപിഎം വാദം ഇതോടെ പൊളിഞ്ഞെന്നും എം.കെ.മുനീര് ഏഷ്യാനെറ്റ് ന്യൂസിനോട് പറഞ്ഞു. അമിത്ഷായും പിണറായിയും തമ്മില് നല്ല ബന്ധമാണെന്നും മുനീര് ആരോപിച്ചു.
ആഗസ്റ്റ് 30 മുതല് സെപ്തംബര് നാല് വരെ കോവളത്ത് നടക്കുന്ന ദക്ഷിണ മേഖല കൗണ്സില് യോഗത്തില് പങ്കെടുക്കാന് അമിത് ഷാ കേരളത്തില് എത്തുന്നുണ്ട്. ഇതിനെത്തുമ്പോള് വള്ളം കളിയില് പങ്കെടുക്കണമെന്നാണ് മുഖ്യമന്ത്രിയുടെ ഓഫീസ അഭ്യര്ത്ഥിച്ചിരിക്കുന്നത്.
സെപ്തംബര് നാലിനാണ് വള്ളംകളി നടക്കുന്നത്. കോവിഡും വെള്ളപ്പൊക്കവും കാരണം
മൂന്നുവര്ഷമായി പുന്നമടക്കായലിലെ ഓളപ്പരപ്പില് നെഹ്റു ട്രോഫി വള്ളംകളി നടത്താന് സാധിച്ചിരുന്നില്ല. ഇത്തവണത്തെ നെഹ്റു ട്രോഫി വള്ളംകളിയില് ഒന്പത് വിഭാഗങ്ങളിലായി 79 വള്ളങ്ങളാണ് മാറ്റുരയ്ക്കുന്നത്.