എകെജി സെന്റര് ആക്രമണക്കേസില് പ്രതിയായ യൂത്ത് കോണ്ഗ്രസ് നേതാവ് ടി. നവ്യയ്ക്ക് മുന്കൂര് ജാമ്യം അനുവദിച്ചു. തിരുവനന്തപുരം അഡീഷണല് ജില്ലാ സെഷന്സ് കോടതിയാണ് നവ്യയ്ക്ക് മുന്കൂര് ജാമ്യം അനുവദിച്ചത്.
എകെജി സെന്ററിന് നേരെ ആക്രമണത്തിനായി ഒന്നാം പ്രതി ജിതിന് വാഹനവും സ്ഫോടകവസ്തുവും കൈമാറിയത് നവ്യയാണെന്നാണ് അന്വേഷണസംഘത്തിന്റെ കണ്ടെത്തല്. അതിനുശേഷം തിരികെയെത്തിച്ച സ്കൂട്ടര് കൊണ്ടുപോയതും ഇവരാണെന്നാണ് പൊലീസ് ആരോപിക്കുന്നത്.
പൊലീസ് പ്രതി ചേര്ത്തതിന് പിന്നാലെ ഒളിവില് പോയ നവ്യയ്ക്കായി തെരച്ചില് നടത്തി വരികയായിരുന്നു. അതിനിടയിലാണ് നവ്യ മുന്കൂര് ജാമ്യം നേടിയിരിക്കുന്നത്. അന്വേഷണ വിധേയമായി ഈ മാസം 24 മുതല് 30 വരെ ഉദ്യോഗസ്ഥന് മുന്നില് ഹാജരാകണമെന്ന് ജാമ്യം അനുവദിച്ചുകൊണ്ട് കോടതി നിര്ദേശിച്ചിട്ടുണ്ട്.