ആരായിരുന്നു കേരള രാഷ്ട്രീയത്തിന് എ.കെ. ഗോപാലന്‍ എന്ന് മനസ്സിലാക്കുന്നതിനായി അദ്ദേഹത്തെക്കുറിച്ചുള്ള ചില ചരിത്ര സത്യങ്ങള്‍.
* ഇന്ത്യയുടെ പ്രഥമ പ്രതിപക്ഷ നേതാവ്
* പാവങ്ങളുടെ പടത്തലവന്‍- കാലിക്കറ്റ് ലേബര്‍ യൂണിയന്‍ സ്ഥാപിച്ചു. സാമ്പത്തികമായും, സാമുദായികമായും അവശത അനുഭവിക്കുന്ന തൊഴിലാളികളെ സംഘടിപ്പിക്കുന്ന സമയത്ത് അവരിലൊരാളായിരിന്നു എകെജി. അവരോടൊപ്പം ഭക്ഷണം കഴിച്ചു. അവര്‍ കിടക്കുന്ന പായയില്‍ കിടന്നുറങ്ങി. അങ്ങനെ എ കെ ഗോപാലന്‍ പാവങ്ങളുടെ പടത്തലവന്‍ എന്നറിയപ്പെട്ടു
*അയിത്തിനും ജാതിവ്യവസ്ഥയ്ക്കുമെതിരെയുള്ള പോരാട്ടം
* 1937 ല്‍ തിരുവിതാംകൂറില്‍ ഉത്തരവാദിത്ത സര്‍ക്കാരിനു വേണ്ടിയുള്ള പ്രക്ഷോഭത്തിനു പിന്തുണ നല്‍കി, മലബാര്‍ മുതല്‍ മദിരാശി വരെയുള്ള നിരാഹാര മലബാര്‍ ജാഥക്ക് എ.കെ.ജി ആണ് നേതൃത്വം നല്‍കിയത്.
* സ്വന്തം രാജ്യത്ത് സ്വാതന്ത്ര്യം പുലരുമ്പോള്‍ അദ്ദേഹം കണ്ണൂര്‍ ജയിലില്‍ തടവിലായിരുന്നു.
*ഇന്ത്യന്‍ കോഫീ ഹൗസ് എന്ന സ്ഥാപനത്തിന്റെ പിറവിക്കു കാരണക്കാരന്‍ എകെജി ആയിരുന്നു.1940 ലാണ് കോഫീബോര്‍ഡ് ഇന്ത്യന്‍ കോഫീ ഹൗസ് രാജ്യത്തൊട്ടാകെ ആരംഭിച്ചത്.
* 1948 ല്‍ കമ്യൂണിസ്റ്റു പാര്‍ട്ടിയെ നിരോധിച്ച നടപടി ഭരണഘടനയ്ക്ക് വിരുദ്ധമാണെന്ന് കോടതിയില്‍ എ.കെ.ജി. സ്വയം വാദിച്ചു ജയിച്ചു.
* പുന്നപ്ര വയലാറിലെ രക്തസാക്ഷികളുടെ കുടുംബങ്ങള്‍ക്ക് എ.കെ.ജി.യുടെ സാന്നിധ്യം വലിയ ആശ്വാസമായിരുന്നു.
* 1975 ല്‍ അടിയന്തിരാവസ്ഥയ്‌ക്കെതിരെ പോരാട്ടം