അപകടങ്ങള് സ്വാഭാവികം; തെറ്റായ പ്രചാരണങ്ങള് ജനം തള്ളും, എന്നും ജനങ്ങളോടൊപ്പമെന്ന് കെ സ്വിഫ്റ്റ്
ന്യൂസ് ഡെസ്ക്
കെഎസ്ആര്ടിസിയുടെ പുതിയ സംരംഭമായ കെ സ്വിഫ്റ്റിന് എതിരെ നടക്കുന്ന തെറ്റായ പ്രചാരണങ്ങളെ ജനം തള്ളുമെന്ന് മോനേജ്മെന്റ്. പൊതുജനത്തിന് ആവശ്യമായതും സൗകര്യപ്രദമായതും വിശ്വാസ യോഗ്യമായതും ആയ ഏത് സൗകര്യങ്ങളും സേവനങ്ങളും ‘അവര്’ സ്വയം തിരഞ്ഞെടുക്കുകയാണ് പതിവ്. അതാണ് കെ.എസ്.ആര്.ടി.സി സ്വിഫ്റ്റിന് ലഭിച്ച സ്വീകാര്യതയെന്നും മാനേജ്മെന്റ് ഫെയ്സ്ബുക്കില് കുറിച്ചു.
കൃത്യമായ അജണ്ടയോടുകൂടി സാമൂഹ്യ മാധ്യമങ്ങളിലൂടെ തെറ്റായ വാര്ത്തകളും ഡീ ഗ്രേഡിംഗും നടത്തി ബുദ്ധിമുട്ടിപ്പിച്ചവരോട് (പരോക്ഷമായി സഹായിച്ചവരോട്) ഒന്നേ പറയാനുള്ളൂ. നിങ്ങളുടെ അമിതാവേശം ഞങ്ങള്ക്കു നല്കിയത് ഒരു രൂപ ചെലവില്ലാതെ ലോകോത്തര പ്രീമിയം ബ്രാന്റ് ബസ്സുകള്ക്ക് ലക്ഷങ്ങള്മുടക്കി പരസ്യം നല്കിയാല് കിട്ടുതിലേറെ പ്രശസ്തിയാാണ്. കൂടാതെ സത്യസന്ധമായ വസതുതകള് പൊതുജനങ്ങളെ ബോധ്യപെടുത്തുതിനുള്ള അവസരവും ലഭിച്ചുവെന്നത് നന്ദിയോടെ സ്മരിക്കുന്നു.
വാഹനങ്ങള്ക്ക് അപകടം സംഭവിക്കുക സ്വാഭാവികമാണ്. ഏറ്റവും പുതിയ വാഹനങ്ങള്ക്കും പഴയ വാഹനങ്ങള്ക്കും സംഭവിക്കാം…
എങ്ങനെ സംഭവിക്കുന്നു എന്നതാണ് പ്രധാനം. ആരോടും പരാതിയില്ല. ദയവായി ഞങ്ങള് നിങ്ങള്ക്കുവേണ്ടിയുള്ളതാണെന്നത് തിരിച്ചറിയുക. കെഎസ്ആര്ടിസി എന്നും ജനങ്ങള്ക്ക് സ്വന്തമാണെന്നും ജനങ്ങളോടൊപ്പമാണെന്നും പോസ്റ്റിലൂടെ മാനേജ്മെന്റ് വ്യക്തമാക്കി.
ഫെയ്സ്ബുക്ക് കുറിപ്പിന്റെ പൂര്ണരൂപം:
പൊതുജനത്തിന് ആവശ്യമായതും സൗകര്യപ്രദമായതും വിശ്വാസ യോഗ്യമായതും ആയ ഏത് സൗകര്യങ്ങളും സേവനങ്ങളും ‘അവർ’ സ്വയം തെരഞ്ഞെടുക്കുകയാണ് പതിവ്… അതാണ് കെ.എസ്.ആർ.ടി.സി സ്വിഫ്റ്റിന് ലഭിച്ച സ്വീകാര്യത…
കൃത്യമായ അജണ്ടയോടുകൂടി തെറ്റായ വാർത്തകളും ഡീ ഗ്രേഡിംഗും നടത്തി സാമൂഹ്യ മാധ്യമങ്ങൾ വഴി ഉൾപ്പെടെ ബുദ്ധിമുട്ടിപ്പിച്ചവരോട് (പരോക്ഷമായി സഹായിച്ചവരോട്) ഒന്നേ ഞങ്ങൾക്ക് പറയാനുള്ളൂ… നിങ്ങളുടെ അമിതാവേശം ഞങ്ങൾക്കു നൽകിയത് ഒരു രൂപ ചെലവില്ലാതെ ലോകോത്തര പ്രീമിയം ബ്രാന്റ് ബസ്സുകൾക്ക് ലക്ഷങ്ങൾമുടക്കി പരസ്യം നൽകിയാൽ കിട്ടുന്നതിലേറെ പ്രശസ്തിയും അതിലൂടെ സത്യസന്ധമായ വസതുതകൾ പൊതുജനങ്ങളെ ബോധ്യപെടുത്തുന്നതിനുള്ള അവസരവുമാണ് എന്നത് നന്ദിയോടെ സ്മരിക്കുന്നു…
വാഹനങ്ങൾക്ക് അപകടം സംഭവിക്കുക സ്വാഭാവികമാണ്.
ഏറ്റവും പുതിയ വാഹനങ്ങൾക്കും പഴയ വാഹന ങ്ങൾക്കും സംഭവിക്കാം… എങ്ങനെ സംഭവിക്കുന്നു എന്നതാണ് പ്രധാനം… കെ.എസ്.ആർ.ടി.സി യോ കെ – സ്വിഫ്റ്റോ അപകടത്തിൽപെട്ടിട്ടുണ്ടെങ്കിൽ ഒറ്റപ്പെട്ട ചില മാദ്ധ്യമങ്ങൾക്കും സമൂഹ മാദ്ധ്യമങ്ങളിലെ ഒരു വിഭാഗത്തിനും പ്രതിസ്ഥാനത്ത് കെ.എസ്.ആർ.ടി.സി- യോ കെ – സ്വിഫ്റ്റോ ആകുന്നത് ബോധപൂർവ്വമല്ലെന്നു കരുതാൻ തരമില്ല.
ഈയിടെ നടന്ന ഒരു അപകടത്തിന്റെ തെറ്റായ വാർത്ത നൽകിയ ശേഷം പിന്നീട് CCTV ദൃശ്യം പരിശോധിച്ച് സ്വിഫ്റ്റ് ബസിന്റെ ഡ്രൈവറുടെ ഭാഗത്ത് തെറ്റ് സംഭവിച്ചിട്ടില്ല എന്ന് ബോധ്യപെട്ടെങ്കിലും വാർത്ത നൽകിയവരാരും ശരിയുടെ പക്ഷം ബോധ്യപ്പെടുത്തുവാൻ ശ്രമിച്ചിട്ടില്ല… ആരോടും പരാതിയില്ല … ദയവായി ഞങ്ങൾ നിങ്ങൾക്കുവേണ്ടിയുള്ളതാണെന്നത് തിരിച്ചറിയുക… കെഎസ്ആർടിസി എന്നും ജനങ്ങൾക്ക് സ്വന്തം… ജനങ്ങളോടൊപ്പം…