കോഴിക്കോട് പന്തീരാങ്കാവില് യുവതിയെ കൂട്ടബലാല്സംഗം ചെയ്തു. ജ്യൂസില് ലഹരിമരുന്ന് കലര്ത്തി ഇരുപത്തിരണ്ടുകാരിയെ പീഡിപ്പിച്ചെന്നാണ് പരാതി. ചേവായൂര് സ്വദേശികളായ മൂന്നുപേര് കസ്റ്റഡിയിലാണ്. ഒരാള്ക്കായി തിരച്ചില്. പ്രതികളെ പൊലീസ് വിശദമായി ചോദ്യംചെയ്യുകയാണ്.
രണ്ട് ദിവസം മുമ്പാണ് യുവതി പൊലീസില് പരാതി നല്കിയത്. ഏറെ കാലം മുമ്പാണ് സംഭവമെന്നാണ് യുവതി പരാതിയില് പറയുന്നത്. സോഷ്യല് മീഡിയ വഴി പരിചയപ്പെടുകയും അടുപ്പം സ്ഥാപിക്കുകയും തുടര്ന്ന് ഫ്ളാറ്റിലെത്തിച്ച് പീഡിപ്പിക്കുകയുമായിരുന്നു എന്നുമാണ് പരാതി.
ഇന്നലെ കേസ് എടുത്ത് എഫ്ഐആര് രജിസ്റ്റര് ചെയ്തു. പിന്നാലെ ഇന്ന് മൂന്ന് പ്രതികളെ കസ്റ്റഡിയിലെടുത്തു. ഇനി ഒരാള് കൂടി പിടിയിലാകുന്നുണ്ടെന്നാണ് പൊലീസ് പറയുന്നത്. ഇയാള്ക്കായുള്ള തെരച്ചില് ഊര്ജ്ജിതമാക്കിയിരിക്കുകയാണ്.