എറണാകുളം നെട്ടൂരില് പ്ലസ് വണ് വിദ്യാര്ത്ഥിനി കായലില് വീണ് കാണാതായതായി സംശയം. നെട്ടൂര് ബീച്ച് സോക്കറിന് സമീപം വാടകയ്ക്ക് താമസിക്കുന്ന മുതിരപ്പറമ്പ് വീട്ടില് ഫിറോസിന്റെ മകള് ഫിദയെ ആണ് കാണാതായത്. ഇന്ന് രാവിലെ 6.30ഓടെ ആയിരുന്നു സംഭവം. മാലിന്യം കളയാന് കായലിന് സമീപം പോയ പെണ്കുട്ടിയെ പിന്നീട് കാണാതാകുകയായിരുന്നു.
കുട്ടി കായലില് വീണതാകാമെന്ന് സംശയിക്കുന്നു. ഇതേ തുടര്ന്ന് ഫയര് ആന്റ് റെസ്ക്യു സ്കൂബ ടീം സ്ഥലത്ത് പരിശോധന തുടരുകയാണ്. നാട്ടുകാരും ചെറുവള്ളത്തില് പരിശോധന നടത്തുന്നുണ്ട്. കായലില് ശക്തമായ ഒഴുക്കുണ്ടെന്ന് നാട്ടുകാര് പറയുന്നു. പനങ്ങാട് സ്കൂളിലെ പ്ലസ് വണ് വിദ്യാര്ത്ഥിനിയാണ് ഫിദ.
നിലമ്പൂര് സ്വദേശികളായ ഫിറോസിന്റെയും മുംതാസിന്റെയും മകളാണ് ഫിദ. കുടുംബം കഴിഞ്ഞ ഒന്നര മാസമായി നെട്ടൂരില് വാടകയ്ക്ക് താമസിച്ചുവരികയാണ്.