പാലക്കാട് ഒറ്റപ്പാലത്ത് കളിക്കുന്നതിനിടെ ഷാള് കഴുത്തില് കുരുങ്ങി ഒമ്പത് വയസ്സുകാരിക്ക് ദാരുണാന്ത്യം. ഒറ്റപ്പാലം വരോട്ട് ചുനങ്ങാട് വാണിവിലാസി മഠത്തില് പള്ളിയാലില് രാജേഷിന്റെ മകള് ശിഖയാണ് മരിച്ചത്. കളിക്കുന്നതിനിടെ അബദ്ധത്തില് ഷാള് കഴുത്തില് കുരുങ്ങിയാണ് അപകടം ഉണ്ടായതെന്ന് വീട്ടുകാര് പറഞ്ഞു.
ഉച്ചയ്ക്ക് 12.30 ഓടെയായിരുന്നു സംഭവം. അമ്മപുറത്ത് പോയി തിരിച്ച് വന്നപ്പോഴാണ് കുട്ടിയെ ഷാള് കഴുത്തില് കുരുങ്ങിയ നിലയില് കണ്ടത്. കുട്ടിയെ ഉടന് ഒറ്റപ്പാലം താലൂക്ക് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സംഭവത്തില് ഒറ്റപ്പാലം പൊലീസ് അസ്വഭാവിക മരണത്തിന് കേസെടുത്ത് അന്വേഷണം ആരംഭിച്ചു.