കോട്ടയം തിടനാട് വെട്ടിക്കുളത്ത് കാര്‍ തോട്ടിലേക്ക് മറിഞ്ഞ് ഒരാള്‍ യുവാവ് മരിച്ചു. വെട്ടികുളം സ്വദേശിയായ സിറില്‍ (35 ) ആണ് മരിച്ചത്. ഇന്ന് രാവിലെയാണ് നടക്കാനിറങ്ങിയ നാട്ടുകാരില്‍ ചിലര്‍ വാഹനം തോട്ടില്‍ കിടക്കുന്നത് കണ്ടത്. തുടര്‍ന്ന് നടത്തിയ പരിശോധനയിലാണ് സിറില്‍ ആണ് മരിച്ചതെന്ന് മനസിലാകുന്നത്.
സിറിലിനെ ഉടന്‍ തന്നെ പുറത്തെത്തിച്ചെങ്കിലും മരിച്ചതായാണ് രക്ഷാപ്രവര്‍ത്തനം നടത്തിയവര്‍ പറയുന്നത്. ഡ്രൈവറായ സിറില്‍ തമിഴ്നാട്ടില്‍ പോയശേഷം മടങ്ങുന്നതിനിടെ നിയന്ത്രണം നഷ്ടമായി കാര്‍ തോട്ടിലേക്ക് മറിഞ്ഞതാകാമെന്നാണ് പൊലീസ് നിഗമനം.
തിടനാട് പൊലീസ് മേല്‍നടപടികള്‍ ആരംഭിച്ചിട്ടുണ്ട്. ഇതിന് ശേഷം മൃതദേഹം മെഡിക്കല്‍ കോളജിലേക്ക് മാറ്റും.
