വെഞ്ഞാറമൂട് കോണ്ഗ്രസ് ഓഫീസ് തീയിട്ട് നശിപ്പിച്ചതില് പ്രതിഷേധിച്ച് ഇന്ന് വെമ്പായത്ത് യുഡിഎഫ് ഹര്ത്താല്. വെഞ്ഞാറമൂട്ടില് നടന്ന ഇരട്ട കൊലപാതകത്തെ തുടര്ന്ന് വെമ്പായം, കന്യാകുളങ്ങര മേഖലയില് ഇന്നലെ രാത്രിയിലാണ് ആക്രമണം ഉണ്ടായത്. വെഞ്ഞാറമൂട് മാത്രമല്ല നിരവധി സ്ഥലങ്ങളിൽ കോൺഗ്രസ് ഓഫീസുകൾക്ക് നേരെ ആക്രമണമുണ്ടായി. വെമ്പായം പഞ്ചായത്തിൽ ഇന്ന് യു.ഡി.എഫ് ഹര്ത്താല് പ്രഖ്യാപിച്ചു. രാവിലെ 6 മണി മുതല് വൈകിട്ട് ആറു വരെയാണ് ഹര്ത്താല്.
അക്രമത്തിന് പിന്നില് സിപിഎം പ്രവര്ത്തകരാണെന്ന് കോണ്ഗ്രസ് ആരോപിച്ചു. കന്യാകുളങ്ങരയിലെ കോൺഗ്രസ് ഓഫീസ് ഇന്നലെ ഡി.വൈ.എഫ്.ഐ കല്ലെറിഞ്ഞു തകർത്തു. കൊല്ലപ്പെട്ട മിഥിലാജിൻറെ മൃതദേഹവുമായി പ്രവർത്തകർ വെമ്പായത്ത് എത്തിയതിന് പിന്നാലെയാണ് കോൺഗ്രസ് ഓഫീസിന് നേരെ ആക്രമണം നടന്നത്. അക്രമത്തിൽ പ്രതിഷേധിച്ച് ഇന്ന് രാവിലെ ആറുമുതൽ വൈകിട്ട് ആറുവരെ പഞ്ചായത്തിൽ യു.ഡി.എഫ് ഹർത്താൽ പ്രഖ്യാപിച്ചിട്ടുണ്ട്. വെഞ്ഞാറമൂട് ഓഫീസ് ആക്രമിച്ച സംഘം ഓഫീസ് കത്തിക്കുകയും ചെയ്തു.
കാട്ടാക്കടയിൽ കോൺഗ്രസ് ഓഫീസിന് നേരെ കല്ലേറ് നടന്നു. ഇതിൽ പ്രതിഷേധിച്ച് പൂവച്ചൽ മണ്ഡലം കമ്മറ്റിയുടെ നേതൃത്വത്തിൽ റോഡ് ഉപരോധിച്ചു. വട്ടിയൂർക്കാവിലും ഡി.വൈ.എഫ്.ഐ പ്രവർത്തകർ കോൺഗ്രസ് ഓഫീസ് ആക്രമിച്ചിരുന്നു
കോഴിക്കോട് നാദാപുരത്തും കോൺഗ്രസ് ഓഫീസിന് നേരെ ബോംബ് ആക്രമണം. കല്ലാച്ചി കോർട്ട് റോഡിലെ കെട്ടിടത്തിലെ മൂന്നാം നിലയിലെ ഓഫീസിന് നേരെയാണ് ആക്രമണമുണ്ടായത്. ആക്രമണത്തിൽ കെട്ടിടത്തിന്റെ ജനലുകള്ക്ക് ഉള്പ്പെടെ കേടുപാടുകള് സംഭവിച്ചു.
ഡിവൈഎഫ്ഐ തേവലക്കാട് യൂണിറ്റ് സെക്രട്ടറി മിഥിലാജ് (32), സിപിഎം കലിങ്ങിന് മുഖം ബ്രാഞ്ച് മെമ്ബര് ഹക്ക് മുഹമ്മദ് (25) എന്നിവരാണ് മരിച്ചത്. സംഭവത്തിനു പിന്നില് കോണ്ഗ്രസ് പ്രവര്ത്തകരാണെന്ന് ഡിവൈഎഫ്ഐയും സിപിഎമ്മും നേരത്തെ ആരോപിച്ചിരുന്നു. മിഥിലാജ് സംഭവസ്ഥലത്തും ഹക്ക് മെഡിക്കല് കോളജിലുമാണ് മരിച്ചത്. യൂത്ത് കോണ്ഗ്രസുകാരാണ് ആക്രമിച്ചതെന്ന് കൊല്ലപ്പെട്ടവര്ക്ക് ഒപ്പമുണ്ടായിരുന്ന എസ്എഫ്ഐ തേമ്പാമൂട് മേഖല സെക്രട്ടറി സഹിന് പൊലീസിന് മൊഴി നല്കി.