സെൽഫി വിവാദത്തിൽ മുഖ്യമന്ത്രി പിണറായി വിജയനെ പിന്തുണച്ച് കെ. കെ. ശൈലജ. നിസാര പ്രശ്നങ്ങൾ പർവതീകരിക്കുന്നുവെന്നും മുഖ്യമന്ത്രി തിരക്കുള്ളയാളാണെന്നും, കപടമായി പെരുമാറുന്ന ആളല്ല എന്നും സെൽഫി എടുക്കാൻ ശ്രമിച്ചതല്ലെന്ന് പെൺകുട്ടി പറഞ്ഞതാണ് വാസ്തവമെന്നും റിപ്പോർട്ടറിന്റെ ‘നേരോ നേതാവേ’ അഭിമുഖത്തിൽ കെ. കെ ശൈലജ പറഞ്ഞു. എന്നാൽ തെറ്റായ പ്രചരണമാണ് നടത്തുന്നതെന്നും കെ കെ ശൈലജ ആരോപിച്ചു.
അമ്പുരി കുമ്പിച്ചൽ പാലം ഉദ്ഘാടനം ചടങ്ങിലാണ് ജില്ലാ പഞ്ചായത്ത് അംഗമായ ആതിരാ ഗ്രേസ് മുഖ്യമന്ത്രിയുടെ സമീപത്തെത്തി സംസാരിച്ചത്. എന്നാൽ സെൽഫിയെടുക്കാൻ യുവതി എത്തിയപ്പോൾ നീരസം പ്രകടിപ്പിച്ച് നടന്നു നീങ്ങുന്ന മുഖ്യമന്ത്രി എന്ന നിലയിലാണ് ഈ വീഡിയോ പ്രചരിച്ചത്. എന്നാൽ സെൽഫിയെടുക്കാനല്ല താൻ ശ്രമിച്ചതെന്നും ഒരു നിവേദനവുമായി ബന്ധപ്പെട്ട കാര്യം സംസാരിക്കാനാണ് മുഖ്യമന്ത്രിയുടെ അടുത്തേക്ക് പോയതെന്നുമാണ് ആതിര പറയുന്നത്.