പ്രതിപക്ഷ നേതാവ് വി ഡി സതീശന് എതിരെ സംഘപരിവാര്. പറവൂരില് 2006ല് ആര്എസ്എസ് പരിപാടിയില് പങ്കെടുത്ത് ചിത്രം ഫെയ്സ്ബുക്കില് പങ്കുവെച്ചുകൊണ്ട് ഹിന്ദു ഐക്യവേദി നേതാവ് ആര് വി ബാബു രംഗത്തെത്തി. പറവൂര് മനക്കപ്പടി സ്കൂളില് വച്ച് മതഭീകരവാദത്തെ കുറിച്ചു നടന്ന സെമിനാറില് ഭാരതാംബയുടേയും ഗുരുജി ഗോള്വര്ക്കറിന്റേയും മുന്നിലെ നിലവിളക്ക് കൊളുത്തി ഉദ്ഘാടനം ചെയ്യുന്ന വി ഡി സതീശനാണിത്. അന്ന് ഗോള്വള്ക്കര് സതീശന് തൊട്ടുകൂടാത്തവനായിരുന്നില്ലെന്ന് അദ്ദേഹം ഫെയ്സ്ബുക്കില് കുറിച്ചു.
രാഷ്ട്രീയ സാഹചര്യം മാറുകയും ഇസ്ലാമിക തീവ്രവാദത്തെ പിന്തുണക്കുന്നതാണ് രാഷ്ട്രീയ നേട്ടത്തിന് നല്ലതെന്ന് കരുതുകയും ചെയ്യുന്ന സതീശന് ഇപ്പോള് പുട്ടിന് പീര പോലെ ഇടക്കിടെ ആര്എസ്എസിനെ ആക്രമിക്കുന്നുവെന്നും ആര് വി ബാബു ഫെയ്സ്ബുക്കിലൂടെ പറഞ്ഞു.
ഫെയ്സ്ബുക്ക് പോസ്റ്റിന്റെ പൂര്ണരൂപം:
2006 ലെ ഗുരുജി ജന്മശതാബ്ദി ആഘോഷത്തോടനുബന്ധിച്ച് പറവൂര് മനക്കപ്പടി സ്കൂളില് വച്ച് മതഭീകരവാദത്തെ കുറിച്ചു നടന്ന സെമിനാറില് ഭാരതാംബയുടേയും ഗുരുജി ഗോള്വര്ക്കറിന്റേയും മുന്നിലെ നിലവിളക്ക് കൊളുത്തി ഉദ്ഘാടനം ചെയ്യുന്ന വി ഡി സതീശനാണിത്. അന്ന് ഗോള്വള്ക്കര് സതീശന് തൊട്ടുകൂടാത്തവനായിരുന്നില്ല. KNA ഖാദറിനെ വിമര്ശിച്ച സതീശന് RSS പരിപാടിയില് പങ്കെടുത്തതില് സ്വയം ഒരു തെറ്റും കണ്ടെത്തിയിരുന്നില്ല. രാഷ്ട്രീയ സാഹചര്യം മാറുകയും ഇസ്ലാമിക തീവ്രവാദത്തെ പിന്തുണക്കുന്നതാണ് രാഷ്ട്രീയ നേട്ടത്തിന് നല്ലതെന്ന് കരുതുകയും ചെയ്യുന്ന സതീശന് ഇപ്പോള് പുട്ടിന് പീര പോലെ ഇടക്കിടെ RSS നെ ആക്രമിക്കുന്നു. ഉദരനിമിത്തം ബഹുകൃത വേഷം.