ആലുവയിൽ മുട്ട കയറ്റിയ പിക്കപ്പ് വാനും സ്വകാര്യ ബസും കൂട്ടിയിടിച്ച് 20,000 മുട്ടകൾ റോഡിലേക്ക് ഒഴുകി. ബസുമായി കൂട്ടിയിടിച്ച വാൻ തൊട്ടപ്പുറത്തുള്ള വർക്ക്ഷോപ്പിലേക്ക് പാഞ്ഞു കയറി രണ്ട് കാറുകളിൽ ഇടിച്ച ശേഷമാണു വണ്ടി നിന്നത്. ആർക്കും ആളപായമില്ല.
ക്രിസ്റ്റ്മസ് വിപണി കണക്കിലെടുത്ത് വിവിധ വ്യാപ്യാരി സ്ഥാപനങ്ങളിലേക്ക് കയറ്റി വിട്ട മുട്ടയുടെ ലോഡ് ആണ് അപകടത്തിൽ പെട്ടത്. അപകടത്തിൽ കുറെ നേരം ഗതാഗതം തടസമായിരുന്നു.
ചൊവ്വാഴ്ച രാവിലെ ഒൻപത് മണിയോടുകൂടി ആലുവ പെരുമ്പാവൂർ റോഡിലാണ് അപകടം ഉണ്ടായത്. അഗ്നിശമന സേന സ്ഥലത്ത് എത്തി ശുചീകരണ പ്രവർത്തനങ്ങൾ നടത്തി വീണ്ടും ഗതാഗത യോഗ്യമാക്കി.