തിരുവനന്തപുരം നെയ്യാറ്റിന്കരയില് സ്കൂള് ബസ് കനാലിലേക്ക് മറിഞ്ഞ് 15 കുട്ടികള്ക്ക് പരിക്ക്. പൂവത്തൂര് ഗവണ്മെന്റ് സ്കൂളിലെ ബസാണ് മറിഞ്ഞത്. കുട്ടികളെ കാരക്കോണം മെഡിക്കല് കോളജില് പ്രവേശിപ്പിച്ചിരിക്കുകയാണ്. വണ്ടിയില് ഉണ്ടായിരുന്ന ആയയ്ക്കും അപകടത്തില് പരിക്കേറ്റിട്ടുണ്ട്.
നെയ്യാറ്റിന്കരക്കടുത്ത് പൂവത്തൂര് ഗവണ്മെന്റ് യുപി സ്കൂളിലെ ബസാണ് രാവിലെ അപകടത്തില്പെട്ടത്. സ്കൂളിലേക്കുള്ള വഴിയില് ഉള്ള ചെറിയ കനാലിലേക്കാണ് വാന് മറിഞ്ഞത്. 15 കുട്ടികള് വെള്ളത്തിലേക്ക് വീണു. കനാലില് വെള്ളം കുറവായിരുന്നതിനാല് അപകടം ഒഴിവായി.
ഒരു കുട്ടിയൊഴികെ ബാക്കി കുട്ടികള്ക്ക് നിസാര പരിക്ക് മാത്രമാണുള്ളതെന്നാണ് പ്രാഥമികമായി ലഭിക്കുന്ന വിവരം. പരിക്കേറ്റ കുട്ടികളെ കാരക്കോണം മെഡിക്കല് കോളേജ് ആശുപത്രിയിലേക്കും നെയ്യാറ്റിന്കര ജില്ലാ ആശുപത്രിയിലേക്കും മാറ്റി.