സിനിമയിലും സോഷ്യൽ മീഡിയയിലും ഒരുപോലെ സജീവമാണ് യുവതാരം ഉണ്ണി മുകുന്ദൻ. ഇപ്പോഴിതാ ഉണ്ണി മുകുന്ദൻ പറഞ്ഞ ഒരു കാര്യത്തിന് നടൻ ടിജി രവി പറഞ്ഞ മറുപടിയാണ് ഇപ്പോൾ ചർച്ചയാകുന്നത്. ഉണ്ണു മുകുന്ദന്റെ സിനിമാ പ്രവേശം സംബന്ധിച്ചാണ് ഈ ചർച്ച ഉയർന്നത്.
താന് സിനിമയില് എത്താന് നടന് ടിജി രവി കാരണമായിട്ടുണ്ടെന്ന് നടന് ഉണ്ണി മുകുന്ദന് പറഞ്ഞിരുന്നു. ഒരു അഭിമുഖത്തിലാണ് ഇത്തരത്തില് ഉണ്ണി മുകുന്ദന് പറഞ്ഞത്. ലോഹിതദാസിനെ പരിചയപ്പെട്ടതാണ് തന്റെ സിനിമ കരിയറില് വഴിത്തിരിവായത് അതിന് കാരണമായത് ടിജി രവിയാണെന്നായിരുന്നു താരം പറഞ്ഞത്.
ഇപ്പോഴിതാ ഉണ്ണി മുകുന്ദന്റെ വാക്കുകൾക്ക് മറുപടി നൽകിയിരിക്കുകയാണ് ടി ജി രവി. റെഡ് എഫ്എമ്മിന് നല്കിയ അഭിമുഖത്തിലായിരുന്നു ആ മറുപടി.ഒരു ചെറിയ ഉന്ത്, അത്രയേ ഉള്ളു. അതിലിപ്പോൾ വലിയ കാര്യമില്ലെന്നാണ് ടി ജി രവി പറയുന്നത്.
ഉണ്ണി മുകുന്ദന് സംവിധായകൻ ലോഹിതദാസിന് ഒന്ന് കണക്ട് ചെയ്ത് കൊടുക്കാൻ വേണ്ടി ഒരു റിക്വസ്റ്റ് വന്നു. അദ്ദേഹത്തിനെ കോൺടാക്ട് ചെയ്യാനുള്ള ഒരു വഴി ഞാൻ ഉണ്ടാക്കി കൊടുത്തു. അങ്ങനെയൊരു കാര്യം മാത്രമേ ഞാൻ ചെയ്തിട്ടുള്ളു.
ബാക്കിയൊക്കെ ഉണ്ണി മുകുന്ദന്റെ മിടുക്ക് കൊണ്ട് കയറി വന്നതാണ്. അല്ലാതെ ആ തള്ള് കൊണ്ടൊന്നും ആരും കയറി വരില്ല. പറയുമ്പോള് ഞാൻ ഒരു തള്ള് തന്നല്ലോ എന്ന് അദ്ദേഹം നന്ദിപൂർവ്വം സ്മരിക്കുന്നതില് ഒരു സന്തോഷമുണ്ടെന്നും ടിജി രവി പറയുന്നു.