മിനി സ്ക്രീന് പ്രേക്ഷകരുടെ പ്രിയപ്പെട്ട ടെലിവിഷന് പരമ്പര ഉപ്പും മുളകിലൂടെ ജനപ്രിയരായ താരങ്ങളാണ് ബിജു സോപാനവും നടി നിഷ സാരംഗും ഉപ്പും മുളകിലെ ബാലുവും നീലുവുമായി എത്തുന്ന ഇവര് ഒരുമിച്ചു അഭിനയിച്ച ഒരു സിനിമ വരികയാണ്. ലെയ്ക്ക എന്ന് പേരിട്ടിരിക്കുന്ന ഈ ചിത്രത്തില് ഇവര്ക്കൊപ്പം ഒരു നായയും പ്രധാന വേഷത്തിലെത്തുന്നുണ്ട്. ആ നായയാണോ അതോ താനാണോ ഈ ചിത്രത്തിന്റെ പ്രധാന കഥാപാത്രമെന്നു നിഷയോടു തര്ക്കിക്കുന്ന ബിജൂ സോപാനം ഈ വീഡിയോയിലൂടെയും പ്രേക്ഷകരെ ഏറെ രസിപ്പിക്കുന്നു.
ഉപ്പും മുളകിലെയും ഭാര്യാഭര്ത്താക്കന്മാരായി തിളങ്ങുന്ന ഇരുവരും ഇതേ കഥാപാത്രങ്ങളായാണ് ഈ സിനിമയിലുമെത്തുന്നത്. ചിത്രത്തിന്റെ ടൈറ്റില് ടീസര് പുറത്തുവിടുന്നതിന്റെ ഭാഗമായിട്ടാണ് ഇരുവരും ഇപ്പോള് ലൈവ് വീഡിയോയുമായി വന്നത്.
വി.പി.എസ് ആന്റ് സണ്സ് മീഡിയായുടെ ബാനറില് ഡോ. ഷംനാദ്, ഡോ. രഞ്ജിത്ത് മണി എന്നിവര് ചേര്ന്നാണ് ഈ ചിത്രം നിര്മ്മിക്കുന്നത്. അടുത്ത മാസം റിലീസ് ചെയ്യുന്ന ഈ ചിത്രം സംവിധാനം ചെയ്തിരിക്കുന്നത് അഷാദ് ശിവരാമനാണ്. പി മുരളീധരന്, ശ്യാം കൃഷ്ണ എന്നിവര് ചേര്ന്ന് രചിച്ചിരിക്കുന്ന ഈ ചിത്രത്തിന് ക്യാമറ ചലിപ്പിച്ചത് പി സുകുമാറാണ്. വിപിന് മണ്ണൂര് എഡിറ്റിംഗ് നിര്വഹിച്ച ഈ സിനിമയ്ക്കു വേണ്ടി ഗാനങ്ങള് ഒരുക്കിയത് സതീഷ് രാമചന്ദ്രനും ജമിനി ഉണ്ണിക്കൃഷ്ണനുമാണ്. ഇതിനു പശ്ചാത്തല സംഗീതമൊരുക്കിയത് ജമിനി ഉണ്ണികൃഷ്ണനാണ്.