വിവാഹവാഗ്ദാനം നല്കി യുവതിയെ പീഡിപ്പിച്ചെന്ന കേസില് റിയാലിറ്റി ഷോ താരം ഷിയാസ് കരീമിന് ഹൈക്കോടതി കഴിഞ്ഞ ദിവസം ഇടക്കാല ജാമ്യം അനുവദിച്ചിരുന്നു. ഇന്നലെ ചെന്നൈ വിമാനത്താവളത്തില് പിടിയിലായതിന് പിന്നാലെയാണ് കേസില് ഷിയാസ് കരീമിന് ഇടക്കാല ജാമ്യം ലഭിച്ചത്.
താന് നിപരാധിയാണെന്ന് വ്യക്തമാക്കുന്ന തരത്തിലുള്ള റീല് വീഡിയോകളാണ് ഷിയാസ് ഇപ്പോള് പങ്കുവച്ചിരിക്കുന്നത്. ആദ്യത്തേത് ഒരു അഭിമുഖത്തില് സ്ത്രീകള്ക്ക് എപ്പോഴും അവകാശം കിട്ടുന്നെന്നും അവര്ക്കുള്ള പ്രിവിലേജിനെ പറ്റിയും നടി സാധിക വേണുഗോപാല് സംസാരിക്കുന്ന വീഡിയോയാണ്.
”ആണിനോട് ദേഷ്യം തോന്നിയാല് അവരെ ടാര്ഗെറ്റ് ചെയ്യുന്ന അവസ്ഥയുണ്ട്. സ്ത്രീകള്ക്ക് പ്രിവിലേജ് ഉണ്ട്. സ്ത്രീ കേസ് കൊടുത്താല് അപ്പോള് തന്നെ ആണിനെ അറസ്റ്റ് ചെയ്യുന്ന പ്രിവിലേജുണ്ട്. എന്നാല് പുരുഷന്മാര്ക്ക് അതിനുള്ള പ്രിവിലേജില്ല. ആ നിയമം യൂസ് ചെയ്യുന്ന ഒരുപാട് സ്ത്രീകള് ഉണ്ട്.”
”കാശ് തട്ടാനായെല്ലാം പലരും നിയമത്തെ ദുരുപയോഗം ചെയ്യുന്നുണ്ട്. എന്തിനാണ് അങ്ങനെ നിയമം. സ്ത്രീക്കും പുരുഷനും തുല്യ നിയമമാണ് വേണ്ടത്” എന്ന് സാധിക പറയുന്ന വീഡിയോയാണ് ഷിയാസ് ആദ്യം പങ്കുവച്ചത്. ‘ഇത് ശരിയാണ്’ എന്ന കുറിപ്പോടെയാണ് വീഡിയോ പോസ്റ്റ് ചെയ്തിരിക്കുന്നത്.
പിന്നാലെ ‘കുരയ്ക്കാത്ത നായയും ഇല്ല, കുറവു പറയാത്ത വായയും ഇല്ല. ഇവ രണ്ടുമില്ലാത്ത നാടും ഇല്ല. നമ്മള് നമ്മുടെ ലക്ഷ്യവുമായി മുന്നോട്ട് പോവുക’ എന്ന് രജനികാന്തിന്റെ വാക്കുകളും പങ്കുവച്ചിട്ടുണ്ട്. ഷിയാസിനെ അനുകൂലിച്ചും പ്രതികൂലിച്ചും നിരവധി ആളുകള് എത്തുന്നുണ്ട്.
View this post on Instagram