ടെലിവിഷൻ പ്രേക്ഷകരുടെ ഇഷ്ടതാരമാണ് സാജൻ സൂര്യ. താരത്തിന്റെ കഥാപാത്രങ്ങൾക്ക് മികച്ച പ്രേക്ഷക സ്വീകാര്യതയാണ് ലഭിക്കുന്നത്. മഴവില്ല് മനോരമയിലെ ജീവിത നൗക എന്ന സീരിയലിലാണ് നടൻ ഇപ്പോൾ അഭിനയിച്ചു കൊണ്ടിരിക്കുന്നത്.
ഇപ്പോഴിതാ സോഷ്യൽ മീഡിയിൽ വൈറലാകുന്നത് സീരിയലിനെ കുറിച്ചുള്ള സാജൻ സൂര്യയുടെ വാക്കുകളാണ്.
ഫെയ്സ്ബുക്ക് പേജിൽ സീരിയലിന്റെ വീഡിയോ പങ്കുവെച്ച് കൊണ്ടായിരുന്നു അദ്ദേഹത്തിന്റെ വാക്കുകൾ . എനിക്കും ഇഷ്ടമായ ഒരു സീനാ ഇത് , ഇതിൽ കുടുംബത്തിന്റെ സ്നേഹമുണ്ട്. ജോർജേട്ടൻ എഴുതുന്ന ഒട്ടുമിക്ക സീനുകളിലും എനിക്ക് എന്റെ കുടുംബത്തിനെ കാണാൻ കഴിയുന്നുണ്ട്. ദേഷ്യം എല്ലാപേർക്കും വരും എന്നാൽ അതെങ്ങനെ സ്നേഹമായി മാറ്റാം എന്നതിനെ നല്ലൊരു ഉദാഹരണമാണ് ഈ സീൻ”, എന്ന ക്യാപ്ഷൻ നൽകിക്കൊണ്ടാണ് താരം വീഡിയോ പങ്ക് വച്ചിരിക്കുന്നത്. ഒരു ഇടവേളയ്ക്ക് ശേഷം സാജൻ സൂര്യ മിനിസ്ക്രീനിലേയ്ക്ക് മടങ്ങി വന്ന പരമ്പര കൂടിയാണിത്.
ഒരിക്കൽ സിനിമാമേഖലയിൽ നിന്ന് നേരിടേണ്ടി വന്ന അവഗണനയെ കുറിച്ച് താരം തുറന്ന് പറഞ്ഞിരുന്നു. സമയം മലയാളത്തിന് നൽകിയ അഭിമുഖത്തിലാണ് താരം ഇക്കാര്യം വെളിപ്പെടുത്തിയത്.
https://m.facebook.com/story.php?story_fbid=10218029943685904&id=1405633278