ബിഗ് ബോസില് വൈല്ഡ് കാര്ഡ് എന്ട്രിയായി മുന് പോണ് താരം മിയ ഖലിഫ എത്തുമെന്ന പ്രചാരണങ്ങള് സോഷ്യല് മീഡിയയില് ശക്തമായി നടക്കുന്നുണ്ട്. ഇതോടെ മിനിസ്ക്രീന് പ്രേക്ഷകരും ആവേശത്തിലായിരുന്നു. ഈ പ്രചാരണങ്ങളോട് പ്രതികരിച്ചിരിക്കുകയാണ് മിയ ഇപ്പോള്.
സല്മാന് ഖാന് അവതാരകനായി എത്തുന്ന ബിഗ് ബോസ് ഹിന്ദിയുടെ പതിനാറാം സീസണ് ആണ് ഇപ്പോള് നടക്കുന്നത്. ഇതില് പങ്കെടുക്കാന് മിയ താല്പര്യം കാണിച്ചുവെന്നും അണിയറ പ്രവര്ത്തകര് നടിയെ സമീപിച്ചെന്നും തരത്തിലായിരുന്നു റിപ്പോര്ട്ടുകള്. എന്നാല് ഇത് നിഷേധിച്ച് കൊണ്ട് മിയ തന്നെ രംഗത്ത് വന്നിരിക്കുകയാണ്.
ട്വിറ്ററിലൂടെയാണ് മിയയുടെ പ്രതികരണം. ഇന്ത്യയിലേക്ക് ഇല്ല എന്നാണ് മിയ പറയുന്നത്. ”ഞാന് ഒരിക്കലും ഇന്ത്യയില് കാല് കുത്തന് പോവുന്നില്ല. അതിനാല് ഞാന് ബിഗ് ബോസില് പങ്കെടുക്കാന് താല്പര്യം കാണിച്ചുവെന്ന് പറഞ്ഞവരെ അതില് നിന്നും പുറത്താക്കണം” എന്നാണ് മിയ ട്വീറ്റിലൂടെ പറയുന്നത്.
ഇതോടെ മിയയുടെ ആരാധകര് നിരാശരായിരിക്കുകയാണ്. മുമ്പും ഇന്ത്യയിലേക്ക് വരുന്നതുമായി ബന്ധപ്പെട്ട് മിയ പറഞ്ഞ കാര്യങ്ങള് വലിയ രീതിയില് ചര്ച്ചയാക്കപ്പെട്ടിരുന്നു. ലോകത്ത് ഏറ്റവുമധികം ആരാധകരുള്ള പോണ് താരമായിരുന്നു മിയ ഖലീഫ. എന്നാല് പിന്നീട് കരിയര് ഉപേക്ഷിക്കുകയായിരുന്നു.