മഞ്ജു പത്രോസും രജിത് കുമാറും തമ്മിലുള്ള പ്രശ്നം ബിഗ് ബോസ് റിയാലിറ്റി ഷോയിലും സോഷ്യല് മീഡിയയിലും വലിയ ചര്ച്ചക്കിടയാക്കിയിരുന്നു. ഇരുവര്ക്കുമിടയിലെ അഭിപ്രായഭിന്നതയെ കുറിച്ച് മോഹന്ലാലും പലതവണ ചോദിച്ചിരുന്നു. വ്യക്തിപരമായി തനിക്ക് ഒരു പ്രശ്നവുമില്ലെന്ന് മഞ്ജു ഇതുവരെ പറഞ്ഞത്.
ബിഗ് ബോസില് നിന്നും പുറത്തെത്തിയതിന് ശേഷം ഇതില് വ്യക്തത വരുത്തിയിരിക്കുകയാണ് മഞ്ജു. ഒരു സത്രീ വിരുദ്ധനാണെന്നുളള മുന്ധാരണ വെച്ചാണ് കളിച്ചതെന്ന് രജിത് അവിടെ പറഞ്ഞിരുന്നു. എന്നാല് അത്തരത്തില് ഒരു കാര്യവുമില്ല. ഇനി മൊബൈല് കിട്ടിയിട്ടു വേണം അദ്ദേഹം ആരാണെന്ന് അറിയാനെന്നും മഞ്ജു പറയുന്നു. രജിത്ത് എന്ന ആളോട് പ്രത്യക്ഷമായി ഒരു പിണക്കവുമില്ല. ഇത് ഒരു എപ്പിസോഡില് പറഞ്ഞിട്ടുമുണ്ടെന്ന് മഞ്ജു വ്യക്തമാക്കി.
സഹപ്രവര്ത്തകരോടുള്ള അദ്ദേഹത്തിന്റെ ചില രീതികളോടായിരുന്നു തനിയ്ക്ക് ദേഷ്യവും ഒത്തു ചേരാന് കഴിയാതിരുന്നത്. മാക്സിമം അടുക്കാന് നോക്കി. പക്ഷെ, ഇത്തരത്തില് നമ്മുടെ മുന്നില് വച്ച് കാണുന്ന ചില കാര്യങ്ങള് കണ്ടില്ലെന്ന് വയ്ക്കാന് എനിക്കറിയില്ല. ചിലപ്പോള് അങ്ങനെ എനിയ്ക്ക് നില്ക്കാമായിരുന്നു. എന്നാല്തനിക്ക് അങ്ങനെ തോന്നിയിട്ടില്ലെന്നും മഞ്ജു പറഞ്ഞു.