ബിഗ് ബോസ് മലയാളം സീസണ് 3യിലെ വിജയിയായി പ്രഖ്യാപിച്ചപ്പോള് വികാരഭരിതനായി മണിക്കുട്ടന്. 92,001,384 വോട്ടുകളുമായാണ് മണിക്കുട്ടന് ബിഗ് ബോസ് മലയാളം സീസണ് 3 വിന്നറായത്. പൊട്ടിക്കരഞ്ഞു കൊണ്ടായിരുന്നു തന്റെ ട്രോഫി മണിക്കുട്ടന് മോഹന്ലാലില് നിന്നും ഏറ്റുവാങ്ങിയത്.
മണിക്കുട്ടന്റെ വാക്കുകളിങ്ങനെ
എന്നും എന്റെ സ്വപ്നം സിനിമയാണ്. സിനിമയില് എന്തെങ്കിലുമൊക്കെ ആകണം. ഞാന് സോഷ്യല് മീഡിയയില് അത്ര ആക്ടീവൊന്നുമായിരുന്നില്ല. ആരും പിആര് ഒന്നും വച്ചിട്ടല്ല ഇവിടെ വരുന്നത്. എനിക്കും അങ്ങനെയൊന്നുമില്ലായിരുന്നു. എന്നിട്ടും അവരങ്ങനെ കേട്ടു. എന്നിട്ടും എനിക്ക് വേണ്ടി രാത്രിയും പകലുമില്ലാത, കൊവിഡ് സമയത്തെ സാമ്പത്തിക പ്രശ്നങ്ങള്ക്കിടയിലും നെറ്റ് റീച്ചാര്ജ് ചെയ്തും ഹോട്ട് സ്റ്റാര് ഇന്സ്റ്റാള് ചെയ്തും വോട്ട് ചെയ്ത നിങ്ങളുടെ വിജയമാണിത്. അതിന് നിങ്ങളോട് എല്ലാവരോടും പ്രത്യേക നന്ദി പറയുന്നു.
എനിക്ക് വോട്ട് ചെയ്തുകൊണ്ടിരുന്ന പയ്യന് മരിച്ചു പോയി. അവന് മരിക്കുന്നതിന് മുമ്പ് അവസാനമായി എഴുതിയ വാക്കുകളാണ് മണിക്കുട്ടന് ചേട്ടനെ എങ്ങനെയെങ്കിലും ഫൈനല് ഫൈവ് വരെ എത്തിക്കണമെന്ന്. സജിന് എന്നാണ് അവന്റെ പേര്. ഈ സമയത്ത് ഞാനവനെ ഓര്ക്കുകയാണ്.
അതുപോലെ ഞാന് ഇന്ന് ഓര്ക്കുകയാണ് എന്റെ റിനോജിനെ. ഇന്നവന് ഉണ്ടായിരുന്നുവെങ്കില് ഒരുപാട് സന്തോഷിച്ചേനെ. അളിയാ എന്തെങ്കിലും ആയെടാ ഞാന്. എന്തെങ്കിലും ആയി.