ബിഗ് ബോസ് സീസണ് 5ലെ മികച്ച മത്സാര്ത്ഥികളില് ഒരാളാണ് സംവിധായകന് അഖില് മാരാര്. സംവിധായകന്റെ വാക്കുകള് പലപ്പോഴും വിദ്വേഷ പ്രചാരണങ്ങള്ക്ക് വഴിവയ്ക്കാറുണ്ടെങ്കിലും ശക്തമായ മത്സരമാണ് മാരാര് കാഴ്ചവയ്ക്കുന്നത്. നിയന്ത്രിക്കാന് കഴിയാത്ത മാരാരുടെ ദേഷ്യത്തിനെതിരെ വിമര്ശനങ്ങളും ഉയരാറുണ്ട്.
ബിഗ് ബോസ് മാതൃദിന എപ്പിസോഡ് ആണ് ഇപ്പോള് സോഷ്യല് മീഡിയ ചര്ച്ചകളില് നിറയുന്നത്. മത്സരാര്ത്ഥികള്ക്ക് തങ്ങളുടെ അമ്മയോട് പറയേണ്ട കാര്യങ്ങള് എഴുതി വായിക്കാന് ബിഗ് ബോസ് അവസരം നല്കിയിരുന്നു. അമ്മയ്ക്ക് വേണ്ടി കവിതയാണ് അഖില് മാരാര് കുറിച്ചത്.
”എന്നെ ഞാനാക്കി മാറ്റിയതിന് ഒരായിരം നന്ദി” എന്നും മാരാര് പറഞ്ഞിരുന്നു. പിന്നാലെ അമ്മയുടെ സന്ദേശം വീഡിയോയില് കാണിക്കുകയും ചെയ്തു. അടി കൊള്ളാതെ നോക്കിക്കോണം എന്ന് പറയുന്ന മാരാരുടെ അമ്മയുടെ വീഡിയോ സഹമത്സരാര്ത്ഥികള് പൊട്ടിച്ചിരിയോടെയാണ് കണ്ടത്.
”മോനേ നീ സുഖമായിട്ടിരിക്കുന്നോ. നല്ല പ്രകടനം നീ കാഴ്ചവയ്ക്കുന്നുണ്ട്. ലൈവിലും എപ്പിസോഡിലും നിന്നെ കാണുന്നുണ്ട്. ഇതുപോലെ തന്നെ നല്ല രീതിയില് കളിച്ച് മുന്നോട്ട് പോകുക. കുഞ്ഞുനാളിലെ അനുഭവം അറിയാല്ലോ. അടി കൊള്ളാതെ നോക്കിക്കോളണം” എന്നാണ് അഖിലിന്റെ അമ്മ പറയുന്നത്.
മിസ് യു പറയാത്ത, ലവ് യു പറയാത്ത ഉമ്മയുടെ സ്നേഹം ഓരോ തവണ വയറ് നിറയെ കൈകഴുകുമ്പോഴും മനസിലാക്കുന്നുണ്ട് എന്നാണ് റെനീഷ എഴുതിയത്. മൂന്ന് വര്ഷം മുമ്പ് മരിച്ച അമ്മയുടെ ഓര്മ്മകളാണ് സാഗര് സൂര്യ പങ്കുവച്ചത്. ഇനിയൊരു ജന്മമുണ്ടെങ്കില് അമ്മയുടെ മകനായി ജനിക്കണമെന്നാണ് സാഗര് പറയുന്നത്.