മലയാള സിനിമയിൽ സഹസംവിധായകനായെത്തി പ്രമുഖ നടനായി മാറിയ ആളാണ് ഷൈൻ ടോം ചാക്കോ. പലപ്പോഴും വ്യത്യസ്തമായ തന്റെ പ്രതികരണങ്ങളിലൂടെ വാർത്തകളിൽ നിറഞ്ഞു നിൽക്കുന്ന ആൾകൂടിയാണ് ഷൈൻ. ഇപ്പോഴിതാ താരത്തിന്റെ അത്തരം ഒരു പ്രതികരണമാണ് ചർച്ചയാകുന്നത്.
ഈ അടുത്ത കാലത്ത് താരം തന്റെ പ്രണയം വെളിപ്പെടുത്തിയത് വാർത്തയായിരുന്നു.തനൂജ എന്നാണ് പാർണറുടെ പേരെന്ന് ഷൈൻ പറഞ്ഞിരുന്നു. എന്നാൽ കൂടുതലൊന്നും തന്നെ തുറന്നു പറഞ്ഞതുമില്ല.ഇപ്പോഴിതാ എങ്ങിനെയാണ് തനൂജയെ പരിചയപ്പെട്ടതെന്ന ചോദ്യത്തിന് ഷൈൻ നൽകിയ മറുപടി രസകരമാണ്.
വെറൈറ്റി മീഡിയയോട് ആയിരുന്നു ഷൈനിന്റെ പ്രതികരണം.
എത്രകാലമായി പരിചയമുണ്ടെന്ന ചോദ്യത്തിന് “പത്ത് ഇരുപത്തി അഞ്ച് വർഷത്തെ ബന്ധമാണ്. എന്തേ..പ്രശ്നമുണ്ടോ. കുറച്ചായിട്ടെ ഉള്ളൂ തുടങ്ങിയിട്ട്. കണ്ടതും പരിചയപ്പെട്ടതും ഒക്കെ വലിയ കഥയാണ്”, എന്നാണ് ഷൈൻ പറഞ്ഞത്.
ഇന്സ്റ്റാഗ്രാമിലൂടെയാണ് ഞങ്ങൾ പരിചയപ്പെടുന്നത്. അങ്ങനെ അങ്ങോട്ടും ഇങ്ങോട്ടും ഫോളോ ചെയ്തു. ഇതുവരെ പ്രെപ്പോസ് ഒന്നും ചെയ്തിട്ടില്ല. കൂടെ അങ്ങ് കൂട്ടി. ഒരാൾ തീരുമാനിച്ചാൽ മറ്റെയാൾ കൂടെ പോകില്ലല്ലോ. രണ്ടുപേരും തീരുമാനിച്ചല്ലേ കൂടെപ്പോരുന്നത്. അതല്ലേ രണ്ട് പേർ തമ്മിലുള്ള പാർണർഷിപ്പ്”, എന്നായിരുന്നു ഷൈനിന്റെ മറുപടി.
സിനിമയിൽ റൊമാൻസ് ചെയ്യാൻ മടി ആണെന്നും അഭിമുഖത്തിൽ പറയുന്നുണ്ട് ഷൈൻ പറയുന്നു. “റിയൽ ലൈഫിൽ അതിന്റെ പ്രശ്നമില്ല. കാരണം ആരും കാണതെ അല്ലേ അത് ചെയ്യുന്നത്. സിനിമയിൽ പത്ത് എഴുപത് പേര് ചുറ്റും കൂടി നിൽക്കുകയല്ലേ. മൂന്നാമതൊരാൾ നിക്കുമ്പോൾ തനിക്കത് പറ്റില്ലെന്നും ഷൈൻ പറയുന്നു.