രാജ്യം മുഴുവന് ഒരു തെന്നിന്ത്യന് ചിത്രത്തിന്റെ രണ്ടാം ഭാഗത്തിന്റെ റിലീസിനായി ഇത്രയേറെ ആകാംക്ഷയോടെ കാത്തിരിക്കുക ചരിത്രത്തില് ഇതാദ്യമായിരിക്കും. അത്രയേറെ വലിയ ഒരു വിജയമായിരുന്നു പുഷ്പ എന്ന സുകുമാര് ചിത്രം നേടിയത്. പുഷ്പ 2 ദ റൂള് റിലീസിന് ദിവസങ്ങള് മാത്രം ബാക്കി നില്ക്കെ സോഷ്യല് മീഡിയകളില് കാട്ടുതീയായി പടര്ന്ന് ചിത്രത്തിന്റെ ട്രെയിലര്.
ഡിസംബര് 5ന് ആണ് ചിത്രം തീയറ്ററുകളിലേക്കെത്തുക. പാട്നയിലെ ഗാന്ധി മൈതാനത്തില് വൈകിട്ട് 5ന് നടന്ന ചടങ്ങില് ട്രെയിലര് പുറത്തുവിടുകയായിരുന്നു. ട്രെയിലര് റിലീസ് ചെയ്ത് മണിക്കൂറുകള് പിന്നിടുമ്പോള് പുഷ്പ 2 ട്രെയിലര് തന്നെയാണ് സോഷ്യല് മീഡിയ ഭരിക്കുന്നതും. ആദ്യ ഭാഗത്തില് ബാക്കിയാക്കിയ പുഷ്പയുടെയും ബന്വര് സിംഗ് ശിഖാവത്തിന്റെയും സംഘര്ഷങ്ങളും രണ്ടാം ഭാഗത്തിലാണ്.
മലയാളത്തിന്റെ പ്രിയ നടന് ഫഹദ് ഫാസിലിന്റെ ശിഖാവത്ത് ഐപിഎസിനെയും കേരളക്കര ഉള്പ്പെടെ കാത്തിരിക്കുകയാണ്. ഇ ഫോര് എന്റെര്ടെയ്ന്മെന്റ്സ് ആണ് ചിത്രം കേരളത്തിന് റിലീസിനെത്തിക്കുക. ഡിസംബര് 5 മുതല് കേരളത്തിലെ തീയേറ്ററുകള് 24 മണിക്കൂറും പ്രദര്ശമുണ്ടാകുമെന്ന് ഇ ഫോര് എന്റെര്ടെയ്ന്മെന്റ്സ് അറിയിക്കുന്നു.