ലക്ഷ്മണന് കാണി എന്ന ആദിവാസി യുവാവ് ഒരു സിനിമയിലെ കഥാപാത്രം മാത്രമല്ല, അയാള് ജാതി ചിന്ത വെച്ചു പുലര്ത്തുന്ന സമൂഹത്തിലെ ഇരയാണ്. മനസില് ഒന്നും പുറത്തു മറ്റൊന്നും കാണിച്ചു അധികാര കേന്ദ്രങ്ങളില് ഇരിക്കുന്ന ഒരു വിഭാഗത്തെ തുറന്നു കാണിക്കുകയാണ് ഭാരത സര്ക്കസ് എന്ന സിനിമ. ബിനു പപ്പു, എം.എ നിഷാദ് എന്നിവര് പ്രകടനം കൊണ്ട് ഞെട്ടിച്ച സിനിമ.
ഒരു പോലീസ് സ്റ്റേഷനില് പരാതിയുമായി എത്തുന്ന ലക്ഷ്മണന് കാണി എന്ന ആദിവാസി യുവാവില് ആണ് കഥ തുടങ്ങുന്നത്. അയാള്ക്ക് നീതി കിട്ടും എന്ന് നമ്മള് കരുതുന്ന ഇടത്താണ് അപ്പുറത്ത് ജാതിയില് മേല്ക്കൈ ഉണ്ടെന്ന് സമൂഹം കല്പിക്കുന്നവര് കടന്നുവരുന്നത്. ഇവിടെ നീതിദേവത കണ്ണടക്കുകയാണ്.
സിനിമയിലേക്ക് വരുമ്പോള് ബിനു പപ്പു തന്റെ കഥാപാത്രം മികച്ചതാക്കിയിരുന്നു. സൗദി വെള്ളക്ക എന്ന ചിത്രത്തിന് ശേഷം അദ്ദേഹത്തിന്റെ മികച്ചൊരു വേഷം. എന്നാല് എം.എ നിഷാദ് ഒരു മികച്ച നടനായി മാറുന്നത് നമുക്ക് ഈ ചിത്രത്തില് കാണാന് സാധിക്കും. ടു മെന് എന്ന ചിത്രത്തിലെ അബൂക്കക്ക് ശേഷം മറ്റൊരു ഉജ്വല പ്രകടനം. ഈ ചിത്രത്തോടെ മലയാളത്തിലെ മികച്ച നടന്മാരുടെ പട്ടികയില് എം.എ നിഷാദ് ഉണ്ടാകും.
സോഹന് സീനുലാല് ഒരു സംവിധായാകന് എന്ന നിലയില് തന്റെ ചുമതലയോട് നീതി പുലര്ത്തിയിരുന്നു. മുഹാദ് വെമ്പായത്തിന്റെ തിരക്കഥയും നന്നായി. അനൂപ് എന്ന കഥാപാത്രമായി ഷൈന് ടോം ചാക്കോയും തിളങ്ങി. ബിജിബാലിന്റെ സംഗീതവും മധു ബാലകൃഷ്ണന് പാടിയ ഒരു ഗാനവും മനോഹരമാണ്. ജാഫര് ഇടുക്കി, സുധീര് കരമന, മേഘ തോമസ്, ആരാധ്യ ആന്, സുനില് സുഖദ, സരിത കുക്കു, അഭിജ, കലാഭവന് പ്രജോദ്, ജയകൃഷ്ണന്, അനു നായര്, ജോളി ചിറയത്ത്, ലാലി, ദിവ്യ എം നായര്, നിയ തുടങ്ങിയവര് അഭിനയിക്കുന്നു. ആരും കഥാപാത്രങ്ങളെ മോശമാക്കിയിട്ടില്ല.
മികച്ച ഒരു തീയ്യേറ്റര് എക്സ്പീരിന്സ് തന്നെയാണ് ഭാരത സര്ക്കസ്.