ഹോളിവുഡ് താരം ക്രിസ്റ്റ്യന് ഒലിവറും (51) അദ്ദേഹത്തിന്റെ പെണ്മക്കളും വിമാനാപകടത്തില് മരിച്ചു. ഇവര് സഞ്ചരിച്ച സ്വകാര്യവിമാനം ടേക്ക്ഓഫിന് തൊട്ടുപിന്നാലെ കരീബിയന് കടലില് പതിക്കുകയായിരുന്നു. വിമാനത്തിന്റെ പൈലറ്റ് റോബര്ട്ട് ഷാസും അപകടത്തില് മരിച്ചതായാണ് വിവരം.
ഒലിവറിന്റെ മക്കളായ മെഡിറ്റ (10), അനിക് (12) എന്നിവരാണ് വ്യാഴാഴ്ച നടന്ന അപകടത്തില് മരണപ്പെട്ടത്. അപകടം നടന്നയുടനെ മത്സ്യത്തൊഴിലാളികളും കോസ്റ്റ് ഗാര്ഡും സ്ഥലത്ത് എത്തിയെങ്കിലും വിമാനത്തിലുണ്ടായിരുന്ന ആരുടേയും ജീവന് രക്ഷിക്കാനായില്ല.
അവധിക്കാലം ആഘോഷിക്കാന് എത്തിയതായിരുന്നു ക്രിസ്റ്റ്യന് ഒലിവറും കുടുംബവും. അറുപതിലേറെ സിനിമകളിലും ടിവി ഷോകളിലും ക്രിസ്റ്റ്യന് ഒലിവര് വേഷമിട്ടിട്ടുണ്ട്. 2008ല് പുറത്തിറങ്ങിയ ആക്ഷന് കോമഡി ചിത്രമായ ‘സ്പീഡ് റേസറി’ലൂടെയാണ് താരം ശ്രദ്ധ നേടിയത്.
2006ല് പുറത്തിറങ്ങിയ ‘ദ് ഗുഡ് ജര്മന്’ എന്ന ചിത്രത്തിലൂടെയാണ് ക്രിസ്റ്റ്യന് ഒലിവര് ആദ്യമായി ബിഗ് സ്ക്രീനില് പ്രത്യക്ഷപ്പെട്ടത്. 60ലേറെ സിനിമകളിലും ടെലിവിഷന് ഷോകളിലും ഒലിവര് ഭാഗമായിട്ടുണ്ട്. ‘സേവ്ഡ് ബൈ ദ് ബെല്: ദ് ന്യൂ ക്ലാസ്’ എന്ന ടിവി ഷോയിലൂടെയാണ് ആദ്യകാലത്ത് ശ്രദ്ധിക്കപ്പെട്ടത്.