ഹോളിവുഡ് ബോക്സോഫീസില് ഏറ്റവും മുന്നില് ‘ബാര്ബി’ ആണെങ്കില് ഇന്ത്യന് ബോക്സോഫീസില് ക്രിസ്റ്റഫര് നോളന്റെ ‘ഓപ്പണ്ഹൈമര്’ ആണ് മുന്നിട്ടു നില്ക്കുന്നത്. ലൈംഗികബന്ധത്തിനിടെ ഭഗവദ്ഗീത വായിക്കുന്ന രംഗം വിവാദമായി മാറിയിരുന്നു. ഇതിനെ തുടര്ന്നാണ് ചിത്രം ഇന്ത്യയില് ശ്രദ്ധ നേടാന് ആരംഭിച്ചത്.
ഈ രംഗം വിവാദമായതില് പ്രതികരിച്ചിരിക്കുകയാണ് ഓപ്പണ്ഹൈമര് ആയി വേഷമിട്ട കിലിയന് മര്ഫി. ആ രംഗം കഥയില് അത്രത്തോളം പ്രധാനപ്പെട്ടതാണ് അത് എങ്ങനെ ഒഴിവാക്കും എന്നാണ് താരം ചോദിക്കുന്നത്. ”ആ സീന് സിനിമയില് നിര്ണ്ണായകമാണെന്നാണ് ഞാന് കരുതുന്നത്.”
”ജീന് ടാറ്റ്ലോക്കുമായി ഓപ്പണ്ഹൈമറിന് ഉണ്ടായിരുന്ന ബന്ധം സിനിമയുടെ ഏറ്റവും വൈകാരികമായ ഭാഗങ്ങളില് ഒന്നാണ്. ഒരു കാര്യം കഥയില് അത്രമേല് പ്രധാനമാണെങ്കില് അതിനെ വിലമതിക്കണമെന്നാണ് ഞാന് കരുതുന്നത്. ഇത് ഞങ്ങളുടെ ജോലിയുടെ ഭാഗമാണ്.”
”സ്വകാര്യ രംഗങ്ങള് അഭിനയിക്കുന്നത് ആരും ഇഷ്ടപ്പെട്ട് ചെയ്യുന്നതല്ല എന്നതാണ് എല്ലാവരും മനസിലാക്കേണ്ടത്” എന്നാണ് കിലിയന് മര്ഫി പറയുന്നത്. കിലിയന് മര്ഫിക്കൊപ്പം ഫ്ലോറന്സ് പഗ് ആണ് ആ രംഗത്തില് അഭിനയിച്ചത്.