കഴിഞ്ഞ ദിവസമാണ് നടി അമല പോള്‍ വിവാഹിതയാകാന്‍ പോകുന്നുവെന്ന വാര്‍ത്ത എത്തിയത്. താരത്തിന്റെ പിറന്നാള്‍ ദിനത്തിലാണ് സുഹൃത്ത് ജഗത് ദേശായി അമലയെ പ്രപ്പോസ് ചെയ്തത്. എന്റെ ഹിപ്പി ക്വീന്‍ യെസ് പറഞ്ഞു എന്ന കുറിപ്പില്‍ ജഗത് തന്നെയാണ് സോഷ്യല്‍ മീഡിയയില്‍ വീഡിയോ പങ്കുവച്ചത്.
ജഗദ് ദേശായിയെ കുറിച്ചുള്ള ചര്‍ച്ചകളാണ് ആരാധകര്‍ക്കിടയില്‍ സജീവമാവുന്നത്. സിനിമയിലുള്ള ആളല്ല ജഗത്. പിന്നെ എങ്ങനെയാണ് ഇരുവരും കണ്ടുമുട്ടിയത് എന്നാണ് സോഷ്യല്‍ മീഡിയയില്‍ ഉയരുന്ന സംശയം. ഗുജറാത്തിലെ സൂറത്താണ് ജഗതിന്റെ ജന്മദേശം.
ജനിച്ചതും വളര്‍ന്നതുമെല്ലാം ഗുജറാത്തില്‍ തന്നെയായിരുന്നു. തുടര്‍ന്ന് ജോലിയുടെ ഭാഗമായി ഗോവയിലേക്ക് താമസം മാറുകയായിരുന്നു. നോര്‍ത്ത് ഗോവയിലെ ആഡംബര ഹോംസ്റ്റേയുടെ ഹെഡ് ഓഫ് സെയില്‍സ് ആയി ജോലി നോക്കുകയാണ് ജഗത് ഇപ്പോള്‍.
യാത്രകളെ ഏറെ ഇഷ്ടപ്പെടുന്ന നടിയാണ് അമല പോള്‍. അങ്ങനെയൊരു യാത്രക്കിടെയാണ് ജഗതിനെ പരിചയപ്പെടുന്നത് എന്നാണ് പുറത്തുവരുന്ന റിപ്പോര്‍ട്ടുകള്‍. അമല പോളിന്റെ രണ്ടാം വിവാഹമാണിത്. 2014ല്‍ സംവിധായകന്‍ എ.എല്‍ വിജയ്‌യെ അമല വിവാഹം ചെയ്തിരുന്നു.
നാല് വര്‍ഷത്തെ പ്രണയത്തിന് ശേഷമായിരുന്നു വിവാഹം. എന്നാല്‍, 2017ല്‍ ഇവര്‍ വിവാഹമോചിതരായി. പിന്നീട് ഗായകനും മുംബൈ സ്വദേശിയുമായ ഭവ്‌നിന്ദര്‍ സിംഗുമായി താരം പ്രണയത്തിലാണെന്ന വാര്‍ത്തകള്‍ പ്രചരിച്ചിരുന്നു. എന്നാല്‍ തങ്ങള്‍ വിവാഹിതരായെന്ന തരത്തിലുള്ള ചിത്രങ്ങള്‍ പ്രചരിപ്പിച്ചതിന് ഭവ്‌നിന്ദറിനെതിരെ അമല രംഗത്തെത്തിയിരുന്നു.