ഹോളിവുഡിലെ മുന്‍ നിര സെലിബ്രിറ്റികളിലൊരാളാണ് മാര്‍ഗോട്ട് റോബി. ഗുസ്തി താരവും നടനുമായ ജോണ്‍സീനയോട് തനിക്കുള്ള ആരാധനയെക്കുറിച്ച് പല അഭിമുഖങ്ങളിലും അവര്‍ തുറന്നുപറഞ്ഞിട്ടുണ്ട്. മാര്‍ഗോട്ടും ജോണ്‍ സീനയും 2021-ല്‍ പുറത്തിറങ്ങിയ സൂയിസൈഡ് സ്‌ക്വാഡ് 2 എന്ന സിനിമയില്‍ ഒരുമിച്ച് പ്രവര്‍ത്തിക്കുകയും ചെയ്തു.
ചിത്രത്തിന്റെ പ്രമോഷന്‍ സമയത്ത്, ജോണ്‍ സീനയ്ക്കും ജെയിംസ് ഗണ്ണിനുമൊപ്പം ജിമ്മി കിമ്മല്‍ ലൈവില്‍ മാര്‍ഗോട്ട് റോബി എത്തിയിരുന്നു ഷോയ്ക്കിടെ, 20-കളുടെ തുടക്കത്തില്‍ സീനയുടെ ലൈഫ്-സൈസ് കട്ട്-ഔട്ടിനൊപ്പം രണ്ട് വര്‍ഷത്തോളം താന്‍ ഉറങ്ങിയിരുന്നതായി മാര്‍ഗോട്ട് റോബി വെളിപ്പെടുത്തി. ”ഞാന്‍ വളര്‍ന്നപ്പോള്‍ WWE കണ്ടു. ഞാന്‍ കുട്ടിയായിരുന്നപ്പോള്‍, എനിക്ക് അണ്ടര്‍ടേക്കറെ ഇഷ്ടമായിരുന്നു, പിന്നീട്, കൗമാരപ്രായത്തിന്റെ അവസാനത്തില്‍, 20-കളുടെ തുടക്കത്തില്‍, ജോണ്‍ സീനയോട് ഭ്രമമുള്ള ഒരു കാമുകന്‍ എനിക്കുണ്ടായിരുന്നു.
മാര്‍ഗോട്ട് റോബി തന്റെ മുന്‍ കാമുകന്റെ സീനയോടുള്ള അഭിനിവേശം വിവരിച്ചുകൊണ്ട് പറയുന്നതിങ്ങനെ ”അദ്ദേഹം തന്റെ 21-ാം ജന്മദിനത്തില്‍ ജോണ്‍ സീനയുടെ വേഷം ധരിച്ചു, അവന്റെ കിടപ്പുമുറിയില്‍ ജോണ്‍ സീനയുടെ ഒരു കാര്‍ഡ്‌ബോര്‍ഡ് കട്ട്-ഔട്ട് ഉണ്ടായിരുന്നു. അതുകൊണ്ട് ജോണ്‍ സീനയുടെ ഒരു ലൈഫ് സൈസ് കട്ടൗട്ടിനൊപ്പമാണ് ഞാന്‍ രണ്ട് വര്‍ഷം ഉറങ്ങിയത്. മാര്‍ഗോട്ട് പറഞ്ഞു.
നടിയുടെ തുറന്നുപറച്ചില്‍ ജോണ്‍സീന ഒരു ചെറു ചിരിയോടെയാണ് കേട്ടിരുന്നത്.
