അജു വര്ഗീസ് ചിത്രം കമല അമേരിക്കന് പ്രസിഡന്റ് ഡൊണാള്ഡ് ട്രംപും കണ്ടോ. ട്രംപിന്റെ ട്വീറ്റ് കണ്ട് മലയാളികള്ക്ക് തോന്നിയ സരസമായ ഒരു സംശയം. “റ്റൂ ബാഡ്…വി വില് മിസ് യു കമല!” … എന്ന ട്രംപിന്റെ പോസ്റ്റ് കണ്ട് മലയാളികള് ഒന്ന് വിസ്മയിച്ചിരിക്കണം.എന്തായാലും ട്രംപിന്റെ ട്വീറ്റ് ട്രോളന്മാര്ക്ക് പുതിയ ഒരു വിഷയമായി.
അമേരിക്കയില് പ്രസിഡന്റ് തിരഞ്ഞെടുപ്പില് ഡൊണാള്ഡ് ട്രംപിനെതിരെ സ്ഥാനാര്ഥിത്വം പ്രഖ്യാപിച്ച കമല ഹാരിസ് പിന്മാറിയതുമായി ബന്ധപ്പെട്ടായിരുന്നു ട്രംപിന്റെ ട്വീറ്റ്. എന്നാല് ഫ്രീയായി കിട്ടിയ പ്രമോഷന് മുതലാക്കിയിരിക്കുകയാണ് കമലയുടെ അണിയറ പ്രവര്ത്തകര്. അജുവും സംവിധായകനും ട്രംപിന്റെ പോസ്റ്റ് പങ്കുവെച്ചിട്ടുണ്ട്.
https://twitter.com/realDonaldTrump/status/1202006070438199298
പ്രേതം 2 വിന് ശേഷം രഞ്ജിത്ത് ശങ്കര് ഒരുക്കുന്ന ചിത്രമാണ് കമല. ത്രില്ലറായി ഒരുക്കുന്ന ചിത്രം 36 മണിക്കൂര് കൊണ്ട് നടക്കുന്ന സംഭവങ്ങളാണ് പറയുന്നത്. അജു ആദ്യമായി നായകനാകുന്ന ചിത്രമെന്ന പ്രത്യേകതയും കമലയ്ക്കുണ്ട്. അജു വര്ഗ്ഗീസിനൊപ്പം, അനൂപ് മേനോന്, രുഹാനി ശര്മ, ബിജു സോപാനം എന്നിവരും ചിത്രത്തില് പ്രധാന കഥാപാത്രങ്ങളായി എത്തുന്നു.