തെലുങ്ക് സൂപ്പര് താരം പവന് കല്യാണിന്റെ പുതിയ സിനിമയ്ക്ക് എതിരെ താരത്തിന്റെ ആരാധധകര് രംഗത്ത്. വിജയ് ചിത്രം ‘തെരി’യുടെ റീമേക്ക് ആണ് താരത്തിന്റെതായി ഇനി ഒരുക്കാന് പോകുന്ന ചിത്രം എന്ന അഭ്യൂഹം പരന്നതോടെയാണ് ആരാധകര് രംഗത്തെത്തിയത്.
സംവിധായകന് ഹരീഷ് ശങ്കര് കഴിഞ്ഞ ദിവസമാണ് പവന് കല്യാണിനൊപ്പം പുതിയ സിനിമ ഒരുക്കുന്നുവെന്ന സൂചന നല്കിയത്. നടന് ബ്രഹ്മാനന്ദം അഭിനയിച്ച ഒരു തെലുങ്ക് ചിത്രത്തിന്റെ രംഗമാണ്, ‘വലിയ ഒരതിശയം പിന്നാലെ വരുന്നുണ്ട്’ എന്ന കുറിപ്പോടെ സംവിധായകന് പങ്കുവച്ചത്.
സ്ലോ മോഷനില് നടക്കുന്ന നടന്റെ പിന്നിലായി ഒരു സംഘം ആളുകള് പൊലീസ് വേഷത്തിലുള്ള പവന് കല്യാണിന്റെ കൂറ്റന് കട്ടൗട്ടും വഹിച്ചു കൊണ്ടാണ് വരുന്നത്. ഇതോടെയാണ് പുതിയ ചിത്രത്തില് പവന് കല്യാണ് പൊലീസ് വേഷത്തിലായിരിക്കുമെന്നും അത് തെരിയുടെ റീമേക്ക് ആയിരിക്കുമെന്ന വാര്ത്തയും പരന്നത്.
ഇതോടെ ‘വീ ഡോണ്ട് വാണ്ട് തെരി റീമേക്ക്’ എന്ന ഹാഷ്ടാഗുമായി ആരാധകര് രംഗത്തെത്തിയത്. ആറുവര്ഷം മുമ്പ് ഇറങ്ങിയ തെരി തെലുങ്കിലും മൊഴിമാറ്റി എത്തിയിരുന്നു. ഒ.ടി.ടിയിലും ടിവിയിലും പ്രദര്ശിപ്പിച്ച ചിത്രം ഇനി റീമേക്ക് ചെയ്യേണ്ട എന്നാണ് പലരും പറയുന്നത്.
ഇനി റീമേക്ക് ചെയ്യാനാണ് തീരുമാനമെങ്കില് ആത്മഹത്യ ചെയ്യും എന്ന് സംവിധായകന് ഒരു ആരാധകന് കത്ത് എഴുതിയിട്ടുണ്ട്. അതേസമയം, 2016ല് എത്തിയ വിജയ് ചിത്രമാണ് തെരി. വിജയ് പൊലീസ് വേഷത്തില് എത്തിയ ചിത്രം സൂപ്പര് ഹിറ്റ് ആയിരുന്നു. ചിത്രത്തിലെ ഗാനങ്ങളും ഹിറ്റുകളാണ്.