തിയേറ്ററുകളില് ആദ്യ ദിനം സമ്മിശ്ര പ്രതികരണമാണ് നേടിയതെങ്കിലും കളക്ഷന്റെ കാര്യത്തില് മുന്നിലെത്തി ‘വോയിസ് ഓഫ് സത്യനാഥന്’. ചിത്രത്തിന്റെ ഓപ്പണിംഗ് ഡേ കളക്ഷന് പുറത്ത്. കേരളാ ബോക്സോഫീസില് ഏറ്റവും കൂടുതല് തുക നേടുന്ന അഞ്ചാമത്തെ ചിത്രമായി മാറിയിരിക്കുകയാണ് ദിലീപിന്റെ വോയ്സ് ഓഫ് സത്യനാഥന്.
ഒരു കോടി എണ്പതു ലക്ഷം ഗ്രോസ് കളക്ഷന് ആണ് ചിത്രം ആദ്യ ദിനം നേടിയത്. ‘വാരിസ്’, ‘പൊന്നിയിന് സെല്വന് 2’, ‘പഠാന്’, ‘2018’ എന്നീ സിനിമകള് കഴിഞ്ഞാല് സത്യനാഥനാണ് കേരളാ ബോക്സോഫീസില് അഞ്ചാമതായി എത്തിയിരിക്കുന്നത്. ദിലീപിന്റെ തിരിച്ചു വരവാണ് ചിത്രം എന്നാണ് പ്രേക്ഷകരുടെ അഭിപ്രായം.
ജോജു ജോര്ജ്, സിദ്ധിഖ് എന്നിവരുടെ പ്രകടനങ്ങളും ശ്രദ്ധ നേടുകയാണ്. ബാദുഷ സിനിമാസിന്റേയും ഗ്രാന്റ് പ്രൊഡക്ഷന്സിന്റെയും ബാനറില് എന്.എം ബാദുഷ, ഷിനോയ് മാത്യു, ദിലീപ്, രാജന് ചിറയില് എന്നിവര് ചേര്ന്നാണ് ചിത്രം നിര്മ്മിച്ചത്.
സംഗീതം: അങ്കിത് മേനോന്, എഡിറ്റര്: ഷമീര് മുഹമ്മദ്, വസ്ത്രാലങ്കാരം: സമീറ സനീഷ്, കലാ സംവിധാനം: എം ബാവ, എക്സിക്യൂട്ടീവ് പ്രൊഡ്യൂസര്-മഞ്ജു ബാദുഷ, നീതു ഷിനോജ്, കോ പ്രൊഡ്യൂസര്: രോഷിത് ലാല് വി 14 ലവന് സിനിമാസ്, പ്രിജിന് ജെ പി, ജിബിന് ജോസഫ് കളരിക്കപ്പറമ്പില്, ഛായാഗ്രഹണം: സ്വരൂപ് ഫിലിപ്പ്.