കമല്ഹാസന്- ലോകേഷ് കനകരാജ് ചിത്രം വിക്രം തീയേറ്ററുകളില് അശ്വമേധം തുടരുകയാണ്. അഞ്ചാം ആഴ്ചയും തിയേറ്ററുകളില് മികച്ച പ്രതികരണങ്ങളോടെയാണ് ഈ സിനിമ പ്രദര്ശനം തുടരുന്നത്.
തിയറ്ററുകളില് എത്തിയ ആദ്യ ദിവസം മുതല് മുതല് നിരവധി ബോക്സ് ഓഫീസ് റെക്കോര്ഡുകളാണ് വിക്രം തകര്ത്തത്. വരും ദിവസങ്ങളിലായി 500 കോടി കടന്നേക്കുമെന്നാണ് റിപ്പോര്ട്ട്. 25 ദിവസമാണ് ‘വിക്രം’ തിയേറ്ററുകളില് പൂര്ത്തിയാക്കിയത്.
തമിഴ് സിനിമയിലെ എക്കാലത്തെയും ഏറ്റവും കൂടുതല് കളക്ഷന് നേടുന്ന ചിത്രമെന്ന റെക്കോര്ഡും വിക്രം സ്വന്തമാക്കി കഴിഞ്ഞു.
കേരളത്തില് നിന്ന് ഏറ്റവും അധികം കളക്ഷന് നേടിയ തമിഴ് ചിത്രം എന്ന റെക്കോര്ഡും ‘വിക്രം’ സ്വന്തമാക്കിയിട്ടുണ്ട്. അഞ്ച് ദിവസങ്ങള് കൊണ്ടാണ് ചിത്രം റെക്കോര്ഡ് നേടിയത്. തിയേറ്ററുകളിലെ വന് വിജയത്തിന് ശേഷം ഒടിടി റിലീസിന് ഒരുങ്ങുകയാണ് ചിത്രം. ജൂലൈ എട്ട് മുതല് ഡിസ്നി പ്ലസ് ഹോട്ട്സ്റ്റാറിലൂടെ സ്ട്രീമിങ്ങ് ആരംഭിക്കും.
കമല് ഹാസനൊപ്പം വിജയ് സേതുപതി ഫഹദ് ഫാസില് എന്നിവര് ചിത്രത്തില് പ്രധാന വേഷത്തില് ഉണ്ട്. സൂര്യ ചിത്രത്തിലെ ഒരു നിര്ണായക അതിഥി വേഷത്തില് പ്രത്യക്ഷപ്പെടുകയും ചെയ്യുന്നു. കൂടാതെ ചെമ്പന് വിനോദ്, കാളിദാസ് ജയറാം, നരേന്, സന്താന ഭാരതി, സ്വാദിഷ്ട കൃഷ്ണന്, വിജെ മൈന, ശിവാനി തുടങ്ങിയവരും അണിനിരക്കുന്നു.