ഈ വര്ഷം തീയേറ്ററുകളിലെത്തിയ വിജയ് ചിത്രം ബീസ്റ്റിന് മികച്ച പ്രകടനം കാഴ്ച്ച വെക്കാന് സാധിച്ചില്ല. ഏപ്രില് 13ന് വന് ഹൈപ്പില് ഇറങ്ങിയ ചിത്രമായിരുന്നെങ്കിലും പരാജയമടഞ്ഞു . സിനിമയില് വീരരാഘവന് എന്ന റോ ഏജന്റായിട്ടാണ് വിജയ് എത്തിയത്.
ഇപ്പോഴിതാ ചിത്രത്തിലെ ഒരു രംഗത്തിന്റെ ചിത്രം പുറത്തുവിട്ടുകൊണ്ട് അടിക്കുറിപ്പ് തേടിയിരിക്കുകയാണ് നെറ്റ്ഫ്ലിക്സ് ഇന്ത്യ സൗത്തിന്റെ ട്വിറ്റര് പേജ്. സിനിമയില് ഷൈന് ടോം ചാക്കോ അവതരിപ്പിക്കുന്ന തീവ്രവാദിയെ കാലുകളും കൈകളും കൂട്ടിക്കെട്ടി ബാഗുപോലെ തൂക്കിയെടുത്തുകൊണ്ടുവരുന്ന ചിത്രം പങ്കുവച്ചുകൊണ്ടാണ് അടിക്കുറിപ്പ് തേടിയിരിക്കുന്നത്.
ട്വീറ്റ് പങ്കുവച്ചതിന് പിന്നാലെ കമന്റുകളുടെ പെരുമഴയായി. രസകരമായ കമന്റുകളിലൂടെ പൊങ്കാലയിട്ടുകൊണ്ടിരിക്കുകയാണ് നെറ്റിസണ്സ്. വേസ്റ്റ്, അച്ഛന് ഞായറാഴ്ചകളില് ചിക്കന് വാങ്ങിക്കൊണ്ടു വരുന്നത് ഇങ്ങനെയാണ്..എന്നിങ്ങനെ പോകുന്നു കമന്റുകള്.
നെല്സണ് ദിലീപ് കുമാറായിരുന്നു ചിത്രത്തിന്റെ സംവിധാനം. നഗരത്തിലെ ഒരു ഷോപ്പിംഗ് മാള് പിടിച്ചെടുത്ത് സന്ദര്ശകരെ തീവ്രവാദികള് ബന്ദികളാക്കുന്നതും തുടര്ന്നുള്ള സംഭവങ്ങളുമാണ് ചിത്രത്തിന്റെ പ്രമേയം. ചിത്രം പുറത്തിറങ്ങിയപ്പോള് മുതല് വലിയ വിമര്ശനങ്ങളാണ് ഉയര്ന്നത്.