വിഘ്നേശ് ശിവന് ചിത്രത്തിന്റെ പേര് വിവാദത്തില്. ‘എല്ഐസി’ എന്ന് പേരിട്ട ചിത്രത്തിന്റെ പൂജാ ചടങ്ങുകള് കഴിഞ്ഞ ദിവസം നടന്നിരുന്നു. എല്ഐസി ലവ് ഇന്ഷുറന്സ് കോര്പ്പറേഷന് എന്നതായിരിക്കും ചിത്രത്തിന്റെ പേര് എന്നാണ് പുറത്തുവരുന്ന റിപ്പോര്ട്ട്. ഇതോടെയാണ് യഥാര്ത്ഥ ‘എല്ഐസി’ രംഗത്തെത്തിയത്.
ചിത്രത്തിന്റെ ടൈറ്റില് ഏഴ് ദിവസത്തിനുള്ളില് മാറ്റണമെന്ന് ആവശ്യപ്പെട്ടാണ് അണിയറ പ്രവര്ത്തകര്ക്കെതിരെ ലെഫ് ഇന്ഷുറന്സ് കോര്പ്പറേഷന് (എല്ഐസി) വക്കീല് നോട്ടീസ് അയച്ചിരിക്കുന്നത്. പേര് മാറ്റിയില്ലെങ്കില് നിയമനടപടി സ്വീകരിക്കുമെന്നും എല്ഐസി അയച്ച നോട്ടീസില് പറയുന്നുണ്ട്.
ചിത്രത്തിന്റെ പ്രൊഡക്ഷന് ഹൗസായ സെവന് സ്ക്രീന് സ്റ്റുഡിയോയ്ക്കും വിഘ്നേശ് ശിവനുമാണ് എല്ഐസി നോട്ടീസ് അയച്ചത്. അതേസമയം, പ്രദീപ് രംഗനാഥിനെ നായകനാക്കി ഒരുക്കുന്ന ചിത്രമാണ് എല്ഐസി. കൃതി ഷെട്ടി, എസ്ജെ സൂര്യ, യോഗി ബാബു എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
അതേസമയം, ‘കാതുവക്കുല രണ്ട് കാതല്’ എന്ന ചിത്രത്തിന് ശേഷം അജിത്തിനെ നായകനാക്കി സിനിമ സംവിധാനം ചെയ്യാനായിരുന്നു വിഘ്നേശ് ഒരുങ്ങിയിരുന്നതെങ്കിലും സിനിമ നടന്നില്ല. വിഘ്നേശിനെ ചിത്രത്തില് നിന്നും മാറ്റുകയും പകരം മഗിഴ് തിരുമേനി അജിത്ത് ചിത്രത്തില് എത്തുകയും ചെയ്തിരുന്നു.