നയൻതാരയ്ക്ക് ഭക്ഷണം വാരിക്കൊടുക്കുന്ന വീഡിയോ പങ്കുവെച്ച് വിഘ്നേഷ് ശിവൻ. മഹാബലിപുരത്തെ ഒരു സീ ഫുഡ് റെസ്റ്റോറന്റിൽ നിന്നുള്ള വിഡിയോയാണിത്.റെസ്റ്റോറൻറിൽ ഇരുന്ന് ഭക്ഷണം കഴിക്കുന്നതിനിടയിൽ വിഘ്നേഷ് നയൻതാരയ്ക്ക് ഭക്ഷണം വാരിക്കൊടുക്കുന്നുമുണ്ട്.
രുചികരമായ പ്രാദേശിക ഭക്ഷണം നയൻതാരയെ ഊട്ടുന്നതാണ് തൻറെ സന്തോഷമെന്നാണ് വീഡിയോയ്ക്കൊപ്പം വിഘ്നേഷ് കുറിച്ചിട്ടുള്ളത് വീഡിയോ ഇതിനോടകം സോഷ്യൽ മീഡിയായിൽ വൈറലായിക്കഴിഞ്ഞു.
‘വയറുനിറച്ച് ഭക്ഷണം കഴിക്കാനുള്ള സമയം. ഏറ്റവും മികച്ച നാടൻ ഭക്ഷണം അവളെ കഴിപ്പിക്കുന്നതാണ് സന്തോഷം. ഒരു പ്രിയപ്പെട്ട സീ ഫുഡ് റെസ്റ്റോറന്റിൽ നിന്ന്. രുചികരമായ ഭക്ഷണവും സ്‌നേഹമുള്ള മനുഷ്യരുമുള്ള ഇത്തരം റെസ്‌റ്റോറന്റുകൾ മാത്രമാണ് ഞങ്ങൾ ഭക്ഷണം കഴിക്കാൻ ഇഷ്ടപ്പെടുന്ന സ്ഥലംമെന്നും വിഘ്നേഷ് ശിവൻ പോസ്റ്റിനോപ്പം കുറിച്ചിട്ടുണ്ട്. വീഡിയോ പോസ്റ്റ് ചെയ്ത് മണിക്കൂറുകൾക്കകം രണ്ട് ലക്ഷത്തിലധികം ലൈക്കുകളാണ് ഈ പോസ്റ്റിന് ലഭിച്ചത്.
ഏഴ് വർഷത്തെ പ്രണയത്തിനു പിന്നാലെ ജൂൺ 9ന് തിരുപ്പതിയിൽ വെച്ച് വിവാഹിതരാവാൻ ഒരുങ്ങുകയാണ് ഇരുവരും. വിവാഹശേഷം മാലിദ്വീപിൽ വച്ച് സുഹൃത്തുക്കൾക്കായി വിവാഹ റിസപ്ഷൻ നടക്കുമെന്നും റിപ്പോർട്ടുകൾ പുറത്തു വന്നിരുന്നു. തങ്ങളുടെ വിവാഹനിശ്ചയം കഴിഞ്ഞ വിവരം നയൻതാര വെളിപ്പെടുത്തിയിരുന്നു.
ഏറ്റവുമടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ചെറിയ ചടങ്ങായിരുന്നു അത് എന്നായിരുന്നു താരം അന്ന് വ്യക്തമാക്കിയത്. അതേസമയം വിവാഹക്കാര്യം ആരാധകരെയും അഭ്യുദയകാക്ഷികളെയും അറിയിക്കുമെന്നും അവർ അറിയിച്ചിരുന്നു. വിവാഹത്തെക്കുറിച്ച് ഔദ്യോഗിക അറിയിപ്പിനായുള്ള കാത്തിരിപ്പിലാണ് ആരാധകർ.