കാവ്യ ഫിലിംസിന്റെ ബാനറില് വേണു കുന്നപ്പിള്ളി നിര്മ്മിച്ച മാമാങ്കം വമ്പന് വിജയം നേടി പ്രദര്ശനം തുടരുകയാണ്. തിരുനാവായ മണപ്പുറത്ത് നൂറ്റാണ്ടുകള്ക്ക് മുമ്പ് ഒരു അനുഷ്ടാനമെന്നോണം ആചരിച്ചുപോന്നിരുന്ന മാമാങ്കവും അതിന്റെ ഉള്ളറകളും ഇതിവൃത്തമായ ചിത്രത്തില് മമ്മൂട്ടിയാണ് നായകനായത്തിയത്. ഇപ്പോഴിതാ മാമാങ്കത്തിന് ശേഷം ഹോളിവുഡ് ചിത്രവുമായാണ് വേണു കുന്നപ്പിള്ളിയുടെ രണ്ടാം വരവ്.
“ആഫ്റ്റര് മിഡ്നൈറ്റ്” എന്ന് പേരിട്ടിരിക്കുന്ന ചിത്രം ഫെബ്രുവരി 14 ന് തിയേറ്ററുകളിലെത്തും. കാവ്യ ഫിലിംസിന്റെ ബാനറില് മാമാങ്കത്തിന് മുന്നേ നിര്മ്മിച്ച ചിത്രമാണ് ഇത്. നിര്മാതാവിനെ ഒരുഘട്ടത്തിലും പരീക്ഷിക്കുന്ന രീതിയല്ല ഹോളിവുഡിലേത് എന്നാണ് വേണു കുന്നപ്പിള്ളി പറയുന്നത്. കൃത്യമായ ആസൂത്രണത്തില് പറയുന്ന ദിവസം തന്നെ ചിത്രത്തിന്റെ ജോലികള് അണിയറ പ്രവര്ത്തകര് തീര്ക്കുമെന്നും വേണു പറയുന്നു.
വമ്പന് ബജറ്റിലൊരുങ്ങിയ മാമാങ്കം 100 കോടി ക്ലബ്ബില് ഇടം നേടിയിരുന്നു. ആദ്യ ദിനം തന്നെ ചിത്രം 23 കോടിയ്ക്ക് മുകളില് കളക്ട് ചെയ്ത ചിത്രം നാലാം ദിനം 60 കോടി നേട്ടത്തിലെത്തിയിരുന്നു. ഈ മാസം 12നാണ് മാമാങ്കം തിയേറ്ററുകളില് എത്തിയത്. മലയാള സിനിമയിലെ ഏറ്റവും ചെലവേറിയ ചിത്രങ്ങളിലൊന്നായ മാമാങ്കം നാല്പത്തിയഞ്ച് രാജ്യങ്ങളിലെ രണ്ടായിരത്തോളം സ്ക്രീനുകളിലാണ് പ്രദര്ശനത്തിനെത്തിയത്.