ജനുവരി 11ന് ലോകമെമ്പാടും തിയേറ്ററുകളിലെത്തിയ വിജയ് ചിത്രമായിരുന്നു ‘വാരിസ്’. ഇപ്പോഴിതാ ഒരു മാസത്തിനകം ആഗോള ബോക്സ് ഓഫീസില് 300 കോടി ക്ലബ്ബില് സ്ഥാനം പിടിച്ചിരിക്കുകയാണ് ഈ ് ചിത്രം. ട്രേഡ് അനലിസ്റ്റുകള് അറിയിക്കുന്നതനുസരിച്ച് വാരിസ് നിലവില് 310 കോടിയിലേറെ നേടിയിട്ടുണ്ട്.
പുറത്തുവരുന്ന കണക്കുകള് ശരിയാണെങ്കില് വിജയ്യുടെ കരിയറിലെ ഏറ്റവും വലിയ വിജയമായിരിക്കുകയാണ് ചിത്രം. നിലവില് ഒരു വിജയ് ചിത്രത്തിന്റെ ഏറ്റവുമുയര്ന്ന കളക്ഷന് ‘ബിഗിലി’ന്റെ പേരിലായിരുന്നു. 305 കോടിയായിരുന്നു ‘ബിഗിലി’ന്റെ ആഗോള ബോക്സ് ഓഫീസ് കളക്ഷന്.
ഇത്തവണ പൊങ്കല് റിലീസ് ആയി എത്തിയ അജിത്ത് ചിത്രം ‘തുനിവി’ന്റെ ഒപ്പം ആയിരുന്നു ചിത്രം റിലീസ്. ഇതില് ‘തുനിവി’നേക്കാള് കളക്ഷന് നേടിയത് ‘വാരിസ്’ ആയിരുന്നു. രണ്ട് സൂപ്പര്താരങ്ങളുടെ ബിഗ് ബജറ്റ് ചിത്രങ്ങള് പൊങ്കലിന് ഒരുമിച്ചെത്തി എന്നത് ഒരു പ്രത്യേകത ആയിരുന്നു.
വംശി പൈഡപ്പിള്ളി സംവിധാനത്തിലൊരുങ്ങിയ ചിത്രത്തിന്റെ ഒടിടി റിലീസ് ഫെബ്രുവരി 22 മുതല് സ്ട്രീമിംഗ് ആരംഭിക്കും. പ്രകാശ് രാജ്, പ്രഭു, ജയസുധ, ശരത്കുമാര്, ഖുശ്ബു, ശ്രീകാന്ത്, ഷാം, സംഗീത കൃഷ്, സംയുക്ത, യോഗി ബാബു തുടങ്ങിയവരാണ് ചിത്രത്തിലെ പ്രധാന താരങ്ങള്.