കണ്ണന് താമരക്കുളത്തിന്റെ സംവിധാനത്തില് അനൂപ് മേനോന്, പ്രകാശ് രാജ് എന്നിവര് കേന്ദ്ര കഥാപാത്രങ്ങളാകുന്ന, ‘വരാല്’ സിനിമ ഇന്ന് തിയേറ്ററുകളില്. പൊളിറ്റിക്കല് ത്രില്ലര് ആയി ഒരുക്കിയ ചിത്രം കേരളം കണ്ട, കാണാനിരിക്കുന്ന രാഷ്ട്രീയമാണെന്നാണ് അണിയറപ്രവര്ത്തകര് വിശേഷിപ്പിക്കുന്നത്. അനൂപ് മേനോന് ആണ് ചിത്രത്തിന് തിരക്കഥ ഒരുക്കുന്നത്.
‘ട്രിവാന്ഡ്രം ലോഡ്ജ്’ സിനിമയ്ക്ക് ശേഷം അനൂപ് മേനോന് ഒരു ടൈം ആഡ്സ് ചിത്രത്തിന് തിരക്കഥ എഴുതുന്നു എന്ന പ്രത്യേകതയും വരാലിനുണ്ട്. ടൈം ആഡ്സ് എന്റര്ടൈന്മെന്റ്സിന്റെ ബാനറില് പി.എ സെബാസ്റ്റ്യനാണ് ചിത്രം നിര്മ്മിക്കുന്നത്.
സണ്ണി വെയ്ന്, സായ്കുമാര്, രഞ്ജി പണിക്കര്, സുരേഷ് കൃഷ്ണ, ശങ്കര് രാമകൃഷ്ണന്, മേഘനാഥന്, ഇര്ഷാദ്, ഹരീഷ് പേരടി, സെന്തില് കൃഷ്ണ, ശിവജി ഗുരുവായൂര്, ഇടവേള ബാബു, സുധീര്, മിഥുന്, കൊല്ലം തുളസി, ദിനേശ് പ്രഭാകര്, ടിറ്റോ വില്സന്, മനുരാജ്, വിജയ് നെല്ലീസ്, മുഹമ്മദ് ഫൈസല്, മുതിര്ന്ന പൊലീസ് ഉദ്യോഗസ്ഥനായ എ.സി.പി ലാല്ജി, ഹണി റോസ്, ഗൗരി നന്ദ, മാലാ പാര്വ്വതി എന്നിവരും പ്രധാന വേഷങ്ങളിലെത്തുന്നു.
എന്.എം ബാദുഷയാണ് ചിത്രത്തിന്റെ പ്രൊജക്ട് ഡിസൈനര്. പ്രൊജക്ട് കോര്ഡിനേറ്റര്: അജിത്ത് പെരുമ്പള്ളി, ഛായാഗ്രഹണം: രവിചന്ദ്രന്, ചിത്രസംയോജനം: അയൂബ് ഖാന്, സംഗീതം: നിനോയ് വര്ഗീസ്, മ്യൂസിക് ആന്ഡ് ബിജിഎം: ഗോപി സുന്ദര്, പ്രൊഡക്ഷന് കണ്ട്രോളര്: അമൃത മോഹന്, കോസ്റ്റ്യൂം: അരുണ് മനോഹര്.