ഷെയ്ന് നിഗം നായകനായെത്തുന്ന വലിയപെരുന്നാളിന്റെ റിലീസ് തിയതി പ്രഖ്യാപിച്ചു. ചിത്രം അടുത്ത വര്ഷമേ റിലീസിനെത്തു എന്ന റിപ്പോര്ട്ടുകള് നിലനില്ക്കവേയാണ് അണിയറ പ്രവര്ത്തകര് ചിത്രത്തിന്റെ റിലീസ് തിയതി പ്രഖ്യാപിച്ചത്. ചിത്രം ഡിസംബര് 20 ന് തിയേറ്ററുകളിലെത്തും. “എ ഫെസ്റ്റിവല് ഓഫ് സാക്രിഫൈസ്” എന്ന ടാഗോടെയാണ് ചിത്രം എത്തുന്നത്. ചിത്രത്തിന്റേതായി പുറത്തിറങ്ങിയ പോസ്റ്ററിനും ലിറിക്കല് ഗാനത്തിനും മികച്ച സ്വീകാര്യതയാണ് സോഷ്യല് മീഡിയയില് ലഭിച്ചത്.
നവാഗതനായ ഡിമല് ഡെന്നിസ് രചനയും സംവിധാനവും നിര്വഹിക്കുന്ന ചിത്രമാണ് വലിയ പെരുന്നാള്. ഡിമലിനൊപ്പം തസ്രീഖ് അബ്ദുള് സലാമും ചേര്ന്നാണ് തിരക്കഥ രചിച്ചിരിക്കുന്നത്. മാജിക് മൗണ്ടെയിന് സിനിമാസിന്റെ ബാനറില് അന്വര് റഷീദും മോനിഷ രാജീവും ചേര്ന്നാണ് ചിത്രം നിര്മ്മിക്കുന്നത്.
ഹിമിക ബോസാണ് ചിത്രത്തില് നായികാ കഥാപാത്രത്തെ അവതരിപ്പിക്കുന്നത്. ജോജു ജോര്ജ്, സൗബിന് ഷാഹിര്, വിനായകന് എന്നിവര് പ്രധാനവേഷത്തിലെത്തുന്നു. ഛായാഗ്രഹണം സുരേഷ് രാജന്.