കണ്ണന് താമരക്കുളം സംവിധാനം ചെയ്ത പുതിയ ത്രില്ലര് ചിത്രം ‘ഉടുമ്പി’ന്റെ റിലീസ് പ്രഖ്യാപിച്ചു. ചിത്രം ഡിസംബര് 10ന് തീയേറ്ററുകളില് എത്തും. സെന്തില് കൃഷ്ണയാണ് ചിത്രത്തില് പ്രധാന കഥാപാത്രമായി എത്തുന്നത്. ഒരു ഗുണ്ടയുടെ കഥാപാത്രത്തെയാണ് സെന്തില് അവതരിപ്പിക്കുന്നത്. മോളിവുഡില് ആദ്യമായി റിലീസിന് മുന്പ് തന്നെ മറ്റ് ഇന്ത്യന് ഭാഷയിലേക്ക് മൊഴിമാറ്റവകാശം കരസ്ഥമാക്കിയ ചിത്രമാണ് ഉടുമ്പ്.
ചിത്രത്തിന്റെ ഹിന്ദി റീമേക്ക് അവകാശം മാരുതി ട്രേഡിങ്ങ് കമ്പനിയും സണ് ഷൈന് മ്യൂസിക്കും ചേര്ന്ന് സ്വന്തമാക്കി. ഈ വര്ഷം അവസാനത്തോടെ ബോളിവുഡില് ചിത്രീകരണം ആരംഭിക്കാനാണ് പദ്ധതിയെന്ന് അണിയറ പ്രവര്ത്തകര് പറയുന്നു. രവിചന്ദ്രനാണ് ഛായാഗ്രഹണം നിര്വഹിക്കുന്നത്. 24 മോഷന് ഫിലിംസും കെ.റ്റി മൂവി ഹൗസും ചേര്ന്നാണ് ചിത്രത്തിന്റെ നിര്മാണം.
പ്രൊഡക്ഷന് കണ്ട്രോളര് ബാദുഷ ചിത്രത്തിന്റെ ലൈന് പ്രൊഡ്യൂസറാവുന്നു. സാനന്ദ് ജോര്ജ് ഗ്രേസ് ആണ് സംഗീതം.വി.ടി ശ്രീജിത്ത് എഡിറ്റിങ് നിര്വഹിക്കുന്നു. ആക്ഷന് പ്രാധാന്യമുള്ള ചിത്രത്തില് ബ്രൂസ്ലീ രാജേഷ് ആക്ഷന് കൈകാര്യം ചെയ്യുന്നു.