ഗീത ഗോവിന്ദം എന്ന ഒറ്റ ചിത്രം കൊണ്ട് തെന്നിന്ത്യന് പ്രേക്ഷകരുടെ പ്രിയപ്പെട്ട താരമായി മാറിയ നടിയാണ് രശ്മിക മന്ദാന. ഗീതാ ഗോവിന്ദത്തിലൂടെ മലയാളത്തിലും നിരവധി ആരാധകരെ സൃഷ്ടിക്കാന് രശ്മികയ്ക്ക് കഴിഞ്ഞിരുന്നു. സോഷ്യല് മീഡിയയില് സജീവമായ രശ്മിക അടുത്തിടെ തന്റെ കുട്ടിക്കാല ചിത്രങ്ങള് സോഷ്യല് മീഡിയയില് പങ്കുവെച്ചിരുന്നു. എന്നാല് ചിത്രം മോശമായ രീതിയിലുള്ള കമന്റും ട്രോളുമായി പ്രചരിക്കുന്നത് ശ്രദ്ധയില്പ്പെട്ടതോടെ പ്രതികരണവുമായി എത്തിയിരിക്കുകയാണ് രശ്മിക.
തന്റെ കുട്ടിക്കാല ചിത്രങ്ങളാണ് രശ്മിക പങ്കുവെച്ചിരുന്നത്. എന്നാല് ഇത് വെച്ച് തീര്ത്തും മോശമായ ട്രോളുകളാണ് പ്രചരിച്ചത്. “വേശ്യ” (Dagar) എന്നു പറഞ്ഞ പോലും ചിത്രം ട്രോള് ചെയ്യപ്പെട്ടു. അധിക്ഷേപം കുടുംബത്തിനു നേര്ക്കു കൂടി നീങ്ങിയപ്പോള് പ്രതികരണവുമായി താരം തന്നെ രംഗത്ത് വരികയായിരുന്നു.
“ഇത്തരത്തിലുള്ള കാര്യങ്ങള് ചെയ്യുന്നതെന്തിനാണെന്ന് മനസ്സിലാവുന്നില്ല. താരങ്ങള് ഇതേക്കുറിച്ച് പ്രതികരിക്കില്ലെന്ന ബോധ്യമുള്ളതിനാലാണോ, മോശം പ്രവണതയാണ് ഇത്. പൊതുവെ നെഗറ്റീവ് കമന്റുകളെ അവഗണിക്കാറാണ് പതിവ്. ജോലി സംബന്ധിച്ചുള്ള വിമര്ശനമാണെങ്കില് ഞാനത് ശ്രദ്ധിക്കും. എന്നാല് കുടുംബത്തിലുള്ളവരെ പറയാനോ വിമര്ശിക്കാനോ ഉള്ള അധികാരം ആര്ക്കും ഞാന് നല്കിയിട്ടില്ല.” രശ്മിക കുറിച്ചു.