റിലീസ് ചെയ്ത് രണ്ടാം വാരത്തിലും ഗംഭീര പ്രതികരണങ്ങളുമയി പ്രദര്ശനം തുടരുകയാണ് അന്വര് റഷീദ് ഒരുക്കിയ ചിത്രം “ട്രാന്സ്”. ചിത്രം ജിസിസി റിലീസിനൊരുങ്ങുകയാണ്. മാര്ച്ച് 7-ന് ജര്മ്മനിയില് റിലീസ് ചെയ്യും. മാര്ച്ച് 8-ന് ബെല്ജിയം, ലക്സെംബര്ഗ് എന്നിവിടങ്ങളിലും ചിത്രം റിലീസിനെത്തും.
ഫഹദ് ഫാസില് നായകനായ ചിത്രം കാലിക പ്രസക്തിയുള്ള വിഷയം പ്രമേയമാക്കിയാണ് ഒരുക്കിയിരിക്കുന്നത്. വിജു പ്രസാദ്, ജോഷ്വാ കാള്ട്ടണ് എന്നീ കഥാപാത്രങ്ങളായുള്ള ഫഹദിന്റെ ഗംഭീര പെര്ഫോമന്സ് തന്നെയാണ് ചിത്രത്തിന്റെ ഹൈലൈറ്റ്.
നസ്രിയ, വിനായകന്, ഗൗതം മേനോന്, ചെമ്പന് വിനോദ്, ദിലീഷ് പോത്തന് എന്നിവരും ചിത്രത്തില് പ്രധാന വേഷത്തിലെത്തുന്നു. അമല് നീരദ് ഛായാഗ്രഹണം നിര്വ്വഹിച്ച ചിത്രത്തിന് തിരക്കഥ ഒരുക്കിയിരിക്കുന്നത് വിന്റ്സന്റ് വടക്കനാണ്. റസൂല് പൂക്കുട്ടിയാണ് സൗണ്ട് ഡിസൈന്. സുഷിന് ശ്യാമും ജാക്സണ് വിജയനും ചേര്ന്നാണ് പശ്ചാത്തല സംഗീതമൊരുയിരിക്കുന്നത്.
